മൺസൂൺ സമയക്രമം ഒക്ടോബർ 20 വരെ നിലവിലുണ്ടാകും. അതിനാൽ കൊങ്കൺ പാത വഴി യാത്ര ചെയ്യുന്നവർ റെയിൽവേ സ്റ്റേഷനുകളിൽ എത്തുന്നതിന് മുൻപ് തങ്ങളുടെ ട്രെയിനുകളുടെ കൃത്യമായ സമയവിവരങ്ങൾ ഔദ്യോഗിക എൻക്വയറി സംവിധാനങ്ങൾ (IRCTC / NTES) വഴി പരിശോധിച്ച് ഉറപ്പുവരുത്തേണ്ടതാണ്.

തിരുവനന്തപുരം: കാലവർഷം കണക്കിലെടുത്ത് കൊങ്കൺ റൂട്ട് വഴി സർവീസ് നടത്തുന്ന ട്രെയിനുകളുടെ സമയക്രമം പരിഷ്കരിച്ച് റെയിൽവേ. 2026 ജൂൺ 15 മുതൽ 2026 ഒക്ടോബർ 20 വരെയാണ് മൺസൂൺ ടൈംടേബിൾ പ്രാബല്യത്തിൽ ഉണ്ടാകുക. കനത്ത മഴ പെയ്യുന്ന സമയങ്ങളിൽ സുരക്ഷിത യാത്ര ഉറപ്പാക്കുന്നതിന്റെ ഭാഗമായാണ് വേഗത ക്രമീകരിച്ച് സമയം മാറ്റിയിരിക്കുന്നത്. കേരളത്തിൽ നിന്ന് പുറപ്പെടുന്നതും കടന്നുപോകുന്നതുമായ നിരവധി പ്രധാന ട്രെയിനുകളുടെ സമയക്രമം ഇതോടൊപ്പം മാറിയിട്ടുണ്ട്.

പുതുക്കിയ പ്രധാന ട്രെയിൻ വിവരങ്ങൾ

എറണാകുളത്ത് നിന്ന് പുറപ്പെടുന്ന ട്രെയിനുകൾ

  • എറണാകുളം – പൂനെ ബൈവീക്ക്‌ലി എക്സ്പ്രസ് (22149): ചൊവ്വ, വെള്ളി ദിവസങ്ങളിൽ രാവിലെ 05.15 ന് പകരം 02.15 ന് എറണാകുളത്ത് നിന്ന് പുറപ്പെടും.
  • എറണാകുളം – ഹസ്രത്ത് നിസാമുദ്ദീൻ എക്സ്പ്രസ് (22655): ബുധനാഴ്ചകളിൽ രാവിലെ 05.15 ന് പകരം 02.15 ന് പുറപ്പെടും.
  • മംഗള ലക്ഷദ്വീപ് ഡെയ്‌ലി എക്സ്പ്രസ് (12617): ദിവസേന ഉച്ചയ്ക്ക് 13.25 ന് പകരം രാവിലെ 10.30 ന് പുറപ്പെടും.
  • എറണാകുളം – അജ്മീർ മരുസാഗർ എക്സ്പ്രസ് (12977): ഞായറാഴ്ചകളിൽ രാത്രി 20.25 ന് പകരം വൈകുന്നേരം 18.50 ന് പുറപ്പെടും.
  • എറണാകുളം – മഡ്ഗാവ് വീക്ക്‌ലി എക്സ്പ്രസ് (10216): തിങ്കളാഴ്ചകളിൽ രാവിലെ 10.40 ന് പകരം ഉച്ചയ്ക്ക് 13.25 ന് ആയിരിക്കും പുറപ്പെടുക.

തിരുവനന്തപുരത്ത് നിന്ന് പുറപ്പെടുന്ന ട്രെയിനുകൾ

തിരുവനന്തപുരം സെൻട്രൽ – ഹസ്രത്ത് നിസാമുദ്ദീൻ എക്സ്പ്രസ് (22653): ശനിയാഴ്ചകളിൽ പുലർച്ചെ 00.50 ന് പുറപ്പെട്ടിരുന്ന ട്രെയിൻ ഇനി മുതൽ വെള്ളിയാഴ്ചകളിൽ രാത്രി 22.00 ന് പുറപ്പെടും.

  • തിരുവനന്തപുരം നോർത്ത് – രാജധാനി എക്സ്പ്രസ് (12431): ചൊവ്വ, വ്യാഴം, വെള്ളി ദിവസങ്ങളിൽ രാത്രി 19.15 ന് പകരം ഉച്ചയ്ക്ക് 14.40 ന് പുറപ്പെടും.
  • തിരുവനന്തപുരം നോർത്ത് – ലോകമാന്യതിലക് ഗരീബ് രഥ് (12202): വ്യാഴം, ഞായർ ദിവസങ്ങളിൽ രാവിലെ 09.10 ന് പകരം 07.45 ന് പുറപ്പെടും.
  • തിരുവനന്തപുരം നോർത്ത് – യോഗ നഗരി ഋഷികേശ് എക്സ്പ്രസ് (22659): വെള്ളിയാഴ്ചകളിൽ രാവിലെ 09.10 ന് പകരം പുലർച്ചെ 04.50 ന് പുറപ്പെടും.
  • കേരള സമ്പർക്ക് ക്രാന്തി എക്സ്പ്രസ് (12217): തിങ്കൾ, ശനി ദിവസങ്ങളിൽ രാവിലെ 09.10 ന് പകരം പുലർച്ചെ 04.50 ന് പുറപ്പെടും.
  • തിരുവനന്തപുരം നോർത്ത് – അമൃത്സർ എക്സ്പ്രസ് (12483): ബുധനാഴ്ചകളിൽ രാവിലെ 09.10 ന് പകരം പുലർച്ചെ 04.50 ന് പുറപ്പെടും.
  • തിരുവനന്തപുരം നോർത്ത് – ഇൻഡോർ എക്സ്പ്രസ് (20931): വെള്ളിയാഴ്ചകളിൽ രാവിലെ 11.15 ന് പകരം 09.10 ന് പുറപ്പെടും.
  • തിരുവനന്തപുരം നോർത്ത് – പോർബന്തർ എക്സ്പ്രസ് (20909): ഞായറാഴ്ചകളിൽ രാവിലെ 11.15 ന് പകരം 09.10 ന് പുറപ്പെടും.

മറ്റ് പ്രധാന ട്രെയിനുകൾ

  • തിരുനെൽവേലി – ജാംനഗർ എക്സ്പ്രസ് (19577): തിങ്കൾ, ചൊവ്വാഴ്ചകളിൽ രാവിലെ 08.10 ന് പകരം പുലർച്ചെ 05.10 ന് തിരുനെൽവേലിയിൽ നിന്ന് പുറപ്പെടും.
  • തിരുനെൽവേലി – ഗാന്ധിധാം ഹംസഫർ എക്സ്പ്രസ് (20923): വ്യാഴാഴ്ചകളിൽ രാവിലെ 08.10 ന് പകരം പുലർച്ചെ 05.10 ന് പുറപ്പെടും.
  • മഡ്ഗാവ് – എറണാകുളം വീക്ക്‌ലി എക്സ്പ്രസ് (10215): ഞായറാഴ്ചകളിൽ മഡ്ഗാവ് ജങ്ഷനിൽ നിന്ന് രാത്രി 19.30 ന് പകരം 21.00 ന് പുറപ്പെടും.

യാത്രക്കാരുടെ ശ്രദ്ധയ്ക്ക്

മൺസൂൺ സമയക്രമം ഒക്ടോബർ 20 വരെ നിലവിലുണ്ടാകും. അതിനാൽ കൊങ്കൺ പാത വഴി യാത്ര ചെയ്യുന്നവർ റെയിൽവേ സ്റ്റേഷനുകളിൽ എത്തുന്നതിന് മുൻപ് തങ്ങളുടെ ട്രെയിനുകളുടെ കൃത്യമായ സമയവിവരങ്ങൾ ഔദ്യോഗിക എൻക്വയറി സംവിധാനങ്ങൾ (IRCTC / NTES) വഴി പരിശോധിച്ച് ഉറപ്പുവരുത്തേണ്ടതാണ്.