അവികസിത ഗ്രാമീണ മേഖലകളിലൂടെ കടന്നുപോകുന്ന രീതിയിലായിരുന്നു അലൈൻമെന്റ്. ഇത് ഉൾനാടൻ ഗ്രാമങ്ങളുടെ വികസനത്തിന് വലിയ സഹായമാകുമായിരുന്നു. എം.സി. റോഡിലെ അമിതമായ വാഹനത്തിരക്ക് കുറയ്ക്കാനും ചരക്ക് ഗതാഗതം സുഗമമാക്കാനും ഈ ഗ്രീൻഫീൽഡ് പാത സഹായിക്കും. നെൽവയലുകളും തണ്ണീർത്തടങ്ങളും സംരക്ഷിക്കുന്നതിനായി അത്തരം ഭാഗങ്ങളിൽ എലിവേറ്റഡ് പാതകൾ നിർമ്മിക്കാനായിരുന്നു ആലോചന.

മധ്യകേരളത്തിന്റെ വികസനത്തിന് വലിയ കുതിപ്പേകുമെന്ന് പ്രതീക്ഷിച്ചിരുന്ന അങ്കമാലി – തിരുവനന്തപുരം ഗ്രീൻഫീൽഡ് ഹൈവേ പദ്ധതി വിസ്മൃതിയിലാകുന്നു. എം.സി. റോഡിന് സമാന്തരമായി വിഭാവനം ചെയ്ത ഈ പാത യാഥാർത്ഥ്യമാക്കണമെന്ന ആവശ്യം പ്രദേശവാസികൾക്കിടയിൽ വീണ്ടും ശക്തമാവുകയാണ്. കേന്ദ്ര സർക്കാരിന്റെ ഭാരത് മാല പരിയോജനയിൽ ഉൾപ്പെടുത്തി നാലുവരി പാതയായാണ് ഈ പദ്ധതി ആസൂത്രണം ചെയ്തിരുന്നത്. പ്രാഥമിക അലൈൻമെന്റും ഡിജിറ്റൽ സ്കെച്ചും പുറത്തുവന്നിരുന്നെങ്കിലും പിന്നീട് നടപടികളൊന്നും ഉണ്ടായില്ല.

അവികസിത ഗ്രാമീണ മേഖലകളിലൂടെ കടന്നുപോകുന്ന രീതിയിലായിരുന്നു അലൈൻമെന്റ്. ഇത് ഉൾനാടൻ ഗ്രാമങ്ങളുടെ വികസനത്തിന് വലിയ സഹായമാകുമായിരുന്നു. എം.സി. റോഡിലെ അമിതമായ വാഹനത്തിരക്ക് കുറയ്ക്കാനും ചരക്ക് ഗതാഗതം സുഗമമാക്കാനും ഈ ഗ്രീൻഫീൽഡ് പാത സഹായിക്കും. നെൽവയലുകളും തണ്ണീർത്തടങ്ങളും സംരക്ഷിക്കുന്നതിനായി അത്തരം ഭാഗങ്ങളിൽ എലിവേറ്റഡ് പാതകൾ നിർമ്മിക്കാനായിരുന്നു ആലോചന.
ഭാവിയിലെ ഗതാഗത ആവശ്യങ്ങൾ പരിഗണിക്കുമ്പോൾ ഈ പദ്ധതി അനിവാര്യമാണെന്ന് പൊതുപ്രവർത്തകർ ചൂണ്ടിക്കാട്ടുന്നു. സ്ഥലം ഏറ്റെടുക്കൽ ചെലവ് കുറച്ച് നിർമ്മിക്കാവുന്ന ഈ ഹൈവേ യാഥാർത്ഥ്യമാക്കാൻ ബന്ധപ്പെട്ട ജില്ലകളിലെ എം.പിമാർ കേന്ദ്ര സർക്കാരിൽ സമ്മർദ്ദം ചെലുത്തണമെന്നാണ് നാട്ടുകാരുടെ ആവശ്യം.

ദേശീയപാത 66-ലെ നിർണ്ണായക പദ്ധതിയായ അരൂർ-തുറവൂർ ആകാശപാതയുടെ നിർമ്മാണം അവസാന ഘട്ടത്തിലേക്ക്. നിലവിൽ പദ്ധതിയുടെ 87 ശതമാനം ജോലികളും പൂർത്തിയായിട്ടുണ്ട്. എന്നാൽ, രൂപകൽപ്പനയിൽ വരുത്തിയ മാറ്റങ്ങളും പുതിയ ഭാഗങ്ങൾ കൂട്ടിച്ചേർത്തതും കാരണം പദ്ധതി പൂർത്തിയാകാൻ 2026 ഡിസംബർ വരെ കാത്തിരിക്കേണ്ടി വരുമെന്ന് കരാറുകാർ ദേശീയപാത അതോറിറ്റിയെ (NHAI) അറിയിച്ചു.
തുറവൂർ ജംഗ്ഷനിലെ രൂപകൽപ്പനയിൽ മാറ്റം വരുത്തിയതോടെ പാതയുടെ നീളം 12.75 കിലോമീറ്ററിൽ നിന്ന് 13.31 കിലോമീറ്ററായി ഉയർന്നു. ഇതോടെ ഇത് ഇന്ത്യയിലെ ഏറ്റവും നീളമേറിയ ആറുവരി ഉയരപ്പാതയായി മാറും. ഏകദേശം 2200 കോടി രൂപയാണ് പദ്ധതിക്കായി ചെലവിടുന്നത്.