പ്രതീകാത്മകചിത്രം

ഹൈദരാബാദ്: ആന്ധ്രപ്രദേശിലെ കനത്ത മഴയെ തുടര്‍ന്ന് ചില ട്രെയിന്‍ സര്‍വീസുകള്‍ പൂര്‍ണമായും റദ്ദാക്കുകയും മറ്റ് ചിലത് വഴി തിരിച്ചുവിടുകയും ചെയ്തു.

സെക്കന്ദരാബാദില്‍നിന്ന് ഇന്ന് (01.09.2024) പുറപ്പെടേണ്ടിയിരുന്ന നമ്പര്‍ 17230 സെക്കന്ദരാബാദ്- തിരുവനന്തപുരം ശബരി എക്‌സ്പ്രസ് ട്രെയിന്‍ സര്‍വീസ് റദ്ദാക്കി. സെപ്റ്റംബര്‍ മൂന്നിന് തിരുവനന്തപുരത്തുനിന്ന് സെക്കന്ദരാബാദിലേക്ക് പുറപ്പെടേണ്ടിയിരുന്ന നമ്പര്‍ 17229 തിരുവനന്തപുരം സെന്‍ട്രല്‍-സെക്കന്ദരാബാദ് ശബരി എക്‌സ്പ്രസ് ട്രെയിന്‍ സര്‍വീസും റദ്ദാക്കി.

വഴി തിരിച്ചുവിട്ട ട്രെയിന്‍ സര്‍വീസുകള്‍

ഓഗസ്റ്റ് 31-ന് ഡല്‍ഹിയില്‍നിന്ന് പുറപ്പെട്ട നമ്പര്‍ 12626 ന്യൂഡല്‍ഹി-തിരുവനന്തപുരം കേരള എക്‌സ്പ്രസ്, നാഗ്പുറിനും വിജയവാഡയ്ക്കും ഇടയിലുള്ള സ്റ്റോപ്പുകള്‍ ഒഴിവാക്കി നാഗ്പുര്‍-വിസിയനഗരം-ദുവ്വഡ എന്നിവിടങ്ങളിലൂടെ വഴിതിരിച്ചുവിടും.

ഓഗസ്റ്റ് 31-ന് കോര്‍ബയില്‍നിന്ന് പുറപ്പെട്ട നമ്പര്‍ 22647 കോര്‍ബ- കൊച്ചുവേളി എക്‌സ്പ്രസ് വാറങ്കല്‍, ഖമ്മം, വിജയവാഡ, തെനാലി, ചിരാല, ഗുഡൂര്‍, ഡോ. എം.ജി.ആര്‍. ചെന്നൈ സെന്‍ട്രല്‍ തുടങ്ങിയിടങ്ങള്‍ ഒഴിവാക്കി കാസിപെട്-റെനിഗുണ്ട വഴി സര്‍വീസ് നടത്തും.

ഓഗസ്റ്റ് 31-ന് എറണാകുളത്തുനിന്ന് പുറപ്പെട്ട നമ്പര്‍ 22669 എറണാകുളം ജങ്ഷന്‍-പട്‌ന ജങ്ഷന്‍ സൂപ്പര്‍ഫാസ്റ്റ് ട്രെയിന്‍ പേരമ്പുറിനും വാറങ്കലിനും ഇടയിലുള്ള സ്‌റ്റോപ്പുകള്‍ ഒഴിവാക്കി ദുവ്വഡ, വിസിയനഗരം, നാഗ്പുര്‍ വഴി സര്‍വീസ് നടത്തും.