അനുഷ്ക ഷെട്ടിയുടെ വിവാഹ വാർത്ത… സത്യമോ അഭ്യൂഹമോ?

അനുഷ്കയുടെ വിവാഹത്തെക്കുറിച്ച് നിരവധി ഗോസിപ്പുകൾ സോഷ്യൽ മീഡിയയിൽ പ്രചരിച്ചിരുന്നു. നടൻ പ്രഭാസുമായി പ്രണയത്തിലാണെന്ന തരത്തിലും വാർത്തകൾ വന്നു.

തെന്നിന്ത്യൻ താരറാണി അനുഷ്ക ഷെട്ടി വിവാഹിതയാകുന്നുവെന്ന് റിപ്പോർട്ടുകൾ. ബംഗളൂരു സ്വദേശിയായ ഒരു പ്രമുഖ വ്യവസായിയാണ് അനുഷ്കയുടെ വരൻ എന്നാണ് പുറത്തുവരുന്ന സൂചനകൾ. കുടുംബങ്ങൾ സംസാരിച്ച് വിവാഹക്കാര്യത്തിൽ തീരുമാനമായെന്നും വെെകാതെ ഔ​ദ്യോ​ഗിക പ്രഖ്യാപനം ഉണ്ടാകുമെന്നും തെലുങ്ക് മാധ്യമങ്ങളിൽ പറയുന്നു.

കഴിഞ്ഞ കുറച്ചു കാലങ്ങളായി അനുഷ്കയുടെ വിവാഹത്തെക്കുറിച്ച് നിരവധി ഗോസിപ്പുകൾ സോഷ്യൽ മീഡിയയിൽ പ്രചരിച്ചിരുന്നു. നടൻ പ്രഭാസുമായി പ്രണയത്തിലാണെന്ന തരത്തിലും വാർത്തകൾ വന്നു. ഓൺസ്ക്രീനിലെ ഹിറ്റ് ജോ‍ഡിയായ ഇരുവരും ജീവിതത്തിലും ഒരുമിക്കുമെന്നായിരുന്നു ആരാധകരുടെ കണ്ടെത്തൽ. എന്നാൽ രണ്ട് പേരും ആ വാർത്തകൾ നിഷേധിക്കുകയാണുണ്ടായത്. തങ്ങൾ നല്ല സുഹൃത്തുക്കളാണെന്നും താരങ്ങൾ പറഞ്ഞിരുന്നു.

ഇപ്പോഴിതാ, താരത്തിന്റെ വിവാഹനിശ്ചയം കഴിഞ്ഞതായാണ് വാർത്തകൾ പ്രചരിക്കുന്നത്. ബംഗളൂരുവിലെ ഒരു പ്രമുഖ വ്യവസായിയുമായാണ് അനുഷ്കയുടെ വിവാഹം ഉറപ്പിച്ചിരിക്കുന്നത് എന്ന് റിപ്പോർട്ടുകൾ പറയുന്നു. എന്നാൽ, വിവാഹത്തെക്കുറിച്ച് അനുഷ്കയോ കുടുംബമോ ഇതുവരെ ഔദ്യോഗികമായി പ്രതികരിച്ചിട്ടില്ല.