കൊല്ലം: വിചാരണയ്ക്കായി കോടതിയിൽ ഹാജരായ പോക്സോ കേസ് പ്രതി ഓടി രക്ഷപ്പെട്ടു. ഇളമാട് സ്വദേശി അബിൻ ദേവാണ് കോടതിയിൽ നിന്ന് ഓടി രക്ഷപ്പെട്ടത്.

“കല്യാണച്ചെലവ് കുറയ്ക്കാൻ ‘പഞ്ചായത്ത് തന്ത്രം , താലിമാല, കമ്മൽ, മൂക്കുത്തി; വേറെയൊന്നും വേണ്ട, അണിഞ്ഞാൽ പിടിവീഴും…”

കൊട്ടാരക്കര കോടതിയിലാണ് ഇന്ന് രാവിലെ സംഭവം നടന്നത്. വിചാരണയ്ക്ക് ഹാജരാക്കിയ പ്രതി പൊലീസിന്റെ കണ്ണുവെട്ടിച്ച് ചാടിപ്പോകുകയായിരുന്നു. പൊലീസ് പിന്തുടർന്നെങ്കിലും പ്രതി രക്ഷപ്പെട്ടു. 2022ലെ പോക്സോ കേസിലെ പ്രതിയാണ് ഇയാൾ. അബിൻ ദേവിനെ ചടയമം​ഗലം പൊലീസ് അറസ്റ്റ് ചെയ്ത് റിമാൻഡ് ചെയ്തിരുന്നു. പിന്നീട് ഇയാൾ ജാമ്യത്തിൽ ഇറങ്ങിയതാണ്.

വിചാരണ നടക്കുന്നതിനാൽ കോടതിയിൽ ​ഹാജരായതായിരുന്നു. പ്രതി ഓടിപ്പോകാനുണ്ടായ കാരണം വ്യക്തമല്ല. ജാമ്യത്തിൽ കഴിയുന്നതിനാൽ കോടതിയിൽ നിന്ന് ഓടിപോകേണ്ട കാര്യം ഇല്ലെന്ന് പൊലീസും പ്രതികരിച്ചു. പ്രതി നാട് വിട്ടോയെന്ന് പൊലീസ് അന്വേഷിച്ച് വരികയാണ്.