എടപ്പാൾ : തവനൂർ സെൻട്രൽ ജയിൽ ഉദ്യോഗസ്ഥനെ തൂങ്ങിമരിച്ച നിലയിൽ കണ്ടെത്തി. അസിസ്റ്റന്റ് പ്രിസൺ ഓഫിസർ പാലക്കാട് ചിറ്റൂർ സ്വദേശി എസ്.ബർഷത്താണ് (29) മരിച്ചത്. ജയിലിനു സമീപത്തെ വാടക ക്വാർട്ടേഴ്‌സിൽ തൂങ്ങിമരിച്ച നിലയിൽ കണ്ടെത്തുകയായിരുന്നു.

ഏഴു മാസം മുൻപാണ് ബർഷത്ത് തവനൂർ സെൻട്രൽ ജയിലിലേക്കു സ്ഥലംമാറിയെത്തിയത്. വ്യാഴാഴ്ച പകൽ ഡ്യൂട്ടിക്കു ശേഷം ക്വാർട്ടേഴ്‌സിലേക്കു പോയതാണ്. രാവിലെയാണു തൂങ്ങിമരിച്ച നിലയിൽ കണ്ടെത്തിയത്. പൊലീസ് അന്വേഷണം തുടങ്ങി.