കുമളി: സ്കൂൾ വിട്ടു വന്ന കുട്ടികളുമായി വീട്ടിലേക്ക് വരുന്ന വഴി സ്കൂട്ടർ നിയന്ത്രണംവിട്ട് മറിഞ്ഞ് യുവാവ് മരിച്ചു. കുമളി ചെങ്കര ശങ്കരഗിരി കപ്പയിൽ അരുൺ (38) ആണ് മരിച്ചത്. ശങ്കരഗിരിയിൽ തിങ്കൾ വൈകിട്ട് അഞ്ചോടെയായിരുന്നു അപകടം. ഒപ്പമുണ്ടായിരുന്ന മക്കളായ മക്കളായ ഗൗരി (16), നന്ദു (14) എന്നിവരെ ഗുരുതര പരുക്കുകളോടെ കട്ടപ്പനയിലെ സ്വകാര്യ ആശുപത്രിയിൽ പ്രവേശിപ്പിച്ചു.
ഇവരെ പുല്ലുമേട്ടിൽ നിന്നും സ്കൂട്ടറിൽ കയറ്റി കൊണ്ടുവരുന്നതിനിടെ വീടിനോട് അടക്കാറായപ്പോൾ ഇറക്കത്തിൽ സ്കൂട്ടർ നിയന്ത്രണം വിട്ട് മറിയുകയായിരുന്നു. അരുണിന്റെ ഭാര്യ പ്രന്സി കഴിഞ്ഞ ദിവസമാണ് അവധി കഴിഞ്ഞ് ദുബായിലെ ജോലി സ്ഥലത്തേക്ക് മടങ്ങിയത്. നന്ദുവും ഗൗരിയും മേരികുളം സെയ്ന്റ് മേരീസ് ഹയര് സെക്കന്ഡറി സ്കൂളിലെ വിദ്യാര്ഥികളാണ്.
Jeevan TV 