റഷ്യന് പ്രസിഡന്റ് വ്ളാദിമിര് പുടിന്റെ വാഹനത്തിന് തീപിടിച്ചതായി റിപ്പോര്ട്ട്. മോസ്കോയിലെ എഫ്എസ്ബി ഹെഡ്ക്വാര്ട്ടേഴ്സിന് സമീപം വെള്ളിയാഴ്ചയാണ് സംഭവം. പുതിന്റെ ഔറസ് സെനറ്റ് ലിമോസിന് എന്ന ആഢംബരവാഹനം പൊട്ടിത്തെറിക്കുകയും പിന്നാലെ തീപ്പിടിക്കുകയുമായിരുന്നുവെന്നാണ് വിവിധ മാധ്യമങ്ങള് റിപ്പോര്ട്ട് ചെയ്യുന്നു. കാറിന്റെ എൻജിനിൽ ആദ്യം തീ പിടിക്കുകയും പിന്നാലെ മറ്റ് ഭാഗങ്ങളിലേക്ക് പടരുകയുമായിരുന്നു.
സംഭവത്തിന്റെ ദൃശ്യങ്ങൾ സോഷ്യൽ മീഡിയയിൽ പ്രചരിക്കുന്നുണ്ട്. കനത്ത പുക കാറില് നിന്നുയരുന്നതും പ്രദേശത്തുള്ളവര് തീ അണക്കാന് ശ്രമിക്കുന്നതും ദൃശ്യങ്ങളിലുണ്ട്. തീപിടിത്തമുണ്ടായ സമയത്ത് കാറിനകത്ത് ആരെങ്കിലും ഉണ്ടായിരുന്നോ എന്ന് വ്യക്തമല്ല. സംഭവത്തില് ആര്ക്കും പരിക്കേറ്റതായി വിവരമില്ലെന്നാണ് റിപ്പോർട്ട്
ശക്തമായ സുരക്ഷാസംവിധാനങ്ങളുള്ള വാഹനമാണ് ലിമോസിന്. രണ്ടരക്കോടി രൂപയോളമാണ് കാറിന്റെ വില. വന് സുരക്ഷാസംവിധാനങ്ങളുള്ള കാര് അപകടത്തില്പ്പെട്ടത് ദുരൂഹമാണ്. മനുഷ്യ നിര്മ്മിത അപകടമാണെന്നാണ് അതുകൊണ്ട് തന്നെ ഉയരുന്ന വിലയിരുത്തല്. ഇത് റഷ്യന് പ്രസിഡന്റിന് നേരെയുണ്ടായ വധശ്രമമാണോ എന്ന ചര്ച്ചയും സജീവമാണ്.
Jeevan TV 