കാറിനെ മറികടക്കാൻ ശ്രമിക്കുന്നതിനിടെ നിയന്ത്രണം വിട്ട സ്വകാര്യ ബസ് ബൈക്കിലും മരത്തിലും ഇടിച്ചു, ആറ് പേർക്ക് പരിക്ക്.

അപകടത്തിൽ പെട്ട ബസ്

തൃശ്ശൂർ: കേച്ചേരിയിൽ സ്വകാര്യ ബസ് നിയന്ത്രണം വിട്ട് ബൈക്കിലും മരത്തിലും ഇടിച്ച് അപകടം. കൂടാതെ അപകടത്തിൽ ആറ് പേർക്ക് പരിക്കേറ്റു. കേച്ചേരി തലക്കോട്ടുകര സ്വദേശി അജിൻ, പാറേമ്പാടം സ്വദേശി വിൽസൺ, പെരുമ്പിലാവ് കോട്ടോൽ സ്വദേശി സൗമ്യ, കോട്ടൂർ സ്വദേശി ബീവത്തൂ, പാലുവായി സ്വദേശി അജിൻ, വെള്ളത്തിരുത്തി സ്വദേശി സൗഭാഗ്യ എന്നിവർക്കാണ് പരിക്കേറ്റത്.

അതേസമയം കുന്നംകുളം ഭാഗത്ത് നിന്ന് തൃശ്ശൂർ ഭാഗത്തേക്ക് പോവുകയായിരുന്ന ശ്രീലക്ഷ്മി സ്വകാര്യ ബസാണ് അപകടത്തിൽപ്പെട്ടത്. ബസ് മുൻപിൽ പോവുകയായിരുന്ന കാറിനെ മറികടക്കാൻ ശ്രമിക്കുന്നതിനിടയാണ് അപകടം ഉണ്ടായത്. അപകടത്തിൽ പരിക്കേറ്റവരെ കുന്നംകുളം സ്വകാര്യ ആശുപത്രിയിൽ പ്രവേശിപ്പിച്ചു.