പരീക്ഷ എഴുതാൻ പോകുന്നതിനെനിടെ കാർ ബൈക്കിന്റെ പുറകിലിടിച്ച് ബി-ടെക് വിദ്യാർത്ഥി മരിച്ചു.

പാലക്കാട്: പാലക്കാട് കഞ്ചിക്കോട് ദേശീയപാതയിൽ പരീക്ഷ എഴുതാൻ പോയ ബിടെക് വിദ്യാർഥി സഞ്ചരിച്ച ബൈക്കിന് പിന്നിൽ കാറിടിച്ച് അപകടം. സംഭവത്തിൽ വടക്കഞ്ചേരി സ്വദേശി മുഹമ്മദ് അൻസലാണ് മരിച്ചത്.

കോയമ്പത്തൂരിലെ കോളേജിലേക്ക് പരീക്ഷയ്ക്ക് പോകുകയായിരുന്നു അൻസിൽ. ഇടിയുടെ ആഘാതത്തിൽ ബൈക്ക് പൂർണ്ണമായും തകർന്നു. ​ഗുരുതരമായി പരിക്കേറ്റ അൻസിൽ സംഭവസ്ഥലത്തുവെച്ചു തന്നെ മരിച്ചു. മൃതദേഹം ആശുപത്രിയിലേക്ക് മാറ്റി. പോസ്റ്റുമോർട്ടത്തിന് ശേഷം കുടുംബത്തിന് വിട്ടുനൽകും.