ആറ്റുകാല് പൊങ്കാല
തിരുവനന്തപുരം: അനന്തപുരിയിലേക്ക് ഒഴുകി ഭക്തലക്ഷങ്ങള് പ്രസിദ്ധമായ ആറ്റുകാല് പൊങ്കാല ഇന്ന്. പൊങ്കാലയെ വരവേല്ക്കാന് അനന്തപുരിയും ആറ്റുകാല് ക്ഷേത്രവും ഒരുങ്ങി. തലസ്ഥാന നഗരിയിലെങ്ങും ഭക്തരുടെ വലിയ തിരക്കാണ് അനുഭവപ്പെടുന്നത്.സര്വാഭരണ വിഭൂഷിതയായ ആറ്റുകാലമ്മയെ ഒരു നോക്ക് കാണാനുള്ള ആഗ്രഹത്താല് ദൂരെ ദിക്കുകളില് നിന്ന് വരെ നിരവധി പേരാണ് ആറ്റുകാലിലേക്ക് എത്തുന്നത്. രാവിലെ ശുദ്ധപുണ്യാഹ ചടങ്ങുകള്ക്ക് ശേഷമാണ് പൊങ്കാല ചടങ്ങുകള് ആരംഭിക്കുന്നത്. ക്ഷേത്രത്തിന് മുന്നില് നിന്നും തോറ്റംപാട്ടുകാര് കണ്ണകി ചരിതത്തില് പണ്ഡ്യരാജവിന്റെ വധം നടക്കുന്ന ഭാഗം പാടിക്കഴിഞ്ഞാലുടന് തന്ത്രി ശ്രീകോവിലില് നിന്ന് പത്തേകാലോടെ ദീപം പകര്ന്ന് മേല്ശാന്തിക്ക് കൈമാറും.
Jeevan TV 