പ്രതീകാത്മക ചിത്രം
അമ്പലവയൽ : മലയാളിയെ കബളിപ്പിച്ച് ലക്ഷങ്ങൾ തട്ടിയ നൈജീരിയക്കാരനെ ഡൽഹിയിൽനിന്ന് വയനാട് പോലീസ് അറസ്റ്റുചെയ്തു. ഡൽഹി വിമാനത്താവളത്തിലേക്ക് സമ്മാനമായി ഇംഗ്ലണ്ട് ഡോളർ അയച്ചിട്ടുണ്ടെന്നും അത് സ്വീകരിക്കുന്നതിനായി പണം നൽകണമെന്നും വിശ്വസിപ്പിച്ച് നെന്മേനി സ്വദേശിനിയിൽനിന്ന് ലക്ഷങ്ങൾ തട്ടിയ മാത്യു എമേക(30)യാണ് പിടിയിലായത്. 2023 ഒക്ടോബർ, നവംബർ, ഡിസംബർ മാസങ്ങളിലായിരുന്നു തട്ടിപ്പ്.
പല തവണകളായാണ് പണം വാങ്ങിയത്. ഒടുവിൽ തട്ടിപ്പ് മനസ്സിലായപ്പോഴാണ് യുവതി പോലീസിൽ പരാതി നൽകിയത്. ബാങ്കിടപാടുകളുടെ വിവരങ്ങൾ പരിശോധിച്ചാണ് പോലീസ് പ്രതിയിലേക്കെത്തിയത്. ഡൽഹി ദ്വാരക കോടതിയിൽ ഹാജരാക്കിയശേഷം ട്രാൻസിസ്റ്റ് റിമാൻഡ് വാങ്ങി പ്രതിയെ അമ്പലവയൽ സ്റ്റേഷനിലെത്തിച്ചു.
Jeevan TV 