പ്രതീകാത്മക ചിത്രം
കലവൂര് : നവരാത്രി ആഘോഷത്തിന്റെ കലാപരിപാടി കണ്ടുകൊണ്ടിരുന്ന പെണ്കുട്ടിയുടെ മുടി യുവാവ് മുറിച്ചു. കലവൂര് പ്രീതികുളങ്ങരയില് ചിരിക്കുടുക്ക ആര്ട്സ് സ്പോര്ട്സ് ക്ലബ്ബ് നടത്തിയ ആഘോഷങ്ങള്ക്കിടയില് ആയിരുന്നു സംഭവം. പെണ്കുട്ടി ബഹളം വെച്ചതിനെ തുടര്ന്ന് യുവാവ് സംഭവസ്ഥലത്ത് നിന്ന് ഓടി രക്ഷപ്പെട്ടു. ഇയാള്ക്കായി പോലീസ് അന്വേഷണം ഊര്ജ്ജമാക്കി.
പ്രീതികുളങ്ങരയില് തന്നെയുള്ള കൗമാരക്കാരിയാണ് അതിക്രമത്തിനിരയായത്. മാതാപിതാക്കളോടൊപ്പം മണ്ണഞ്ചേരി പോലീസ് സ്റ്റേഷനില് എത്തി മൊഴി നല്കി. ശനിയാഴ്ച രാത്രിയായിരുന്നു സംഭവം.
കസേരയില് ഇരിക്കുകയായിരുന്ന പെണ്കുട്ടിയുടെ പുറകില് നിന്ന് യുവാവ് ബഹളം വച്ചിരുന്നു. തുടർന്ന് യുവാവിനോട് മാറിനില്ക്കാന് പെൺകുട്ടി ആവശ്യപ്പെട്ടിരുന്നു. പിന്നീട് അസ്വഭാവികത തോന്നിയ യുവതി മുടിയില് പിടിച്ചു നോക്കിയപ്പോഴാണ് മുറിച്ചതായി മനസ്സിലായത്.
പ്രീതികുളങ്ങരയില് തന്നെയുള്ള ആളാണ് അതിക്രമം കാട്ടിയതെന്ന് തിരിച്ചറിഞ്ഞിട്ടുണ്ട്. കെട്ടിട നിര്മ്മാണ തൊഴിലാളിയായ 42 കാരനാണിത്.
Jeevan TV 