ബിയർ കുപ്പികൊണ്ട് ഭാര്യയുടെ തലയ്ക്കടിച്ച കാപ്പാ കേസ് പ്രതി അറസ്റ്റിൽ

പ്രതി അജി

തിരുവനന്തപുരം : ബിയർകുപ്പി ഉപയോഗിച്ച് ഭാര്യയുടെ തലയ്ക്കടിച്ച് പരിക്കേൽപ്പിച്ച കാപ്പാ കേസ് പ്രതിയെ അറസ്റ്റ് ചെയ്തു. കരിമഠം സ്വദേശിയായ ഹാജ എന്ന അജി (35) ആണ് ഫോർട്ട് പോലീസിന്റെ പിടിയിലായത്. കാപ്പാ കേസിൽ ജയിൽ ശിക്ഷ കഴിഞ്ഞിറങ്ങിയതായിരുന്നു.

24- ന് അജിയുടെ ഭാര്യ താമസിക്കുന്ന യമുനാ നഗറിൽ വച്ച് ബിയർ കുപ്പിയുപയോഗിച്ച് തലയ്ക്കടിച്ച് പരിക്കേൽപ്പിക്കുകയായിരുന്നു എന്ന് ഫോർട്ട് എസ്.എച്ച്.ഒ. ശിവകുമാർ പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.