മോഹൻലാൽ ഫെഫ്കയിൽ അംഗത്വം സ്വീകരിക്കുന്നു
സിനിമയിലെ സാങ്കേതിക പ്രവര്ത്തകരുടെ സംഘടനയായ ഫെഫ്കയിലെ സംവിധായക യൂണിറ്റില് മോഹന്ലാലിന് അംഗത്വം. നടന് തന്നെയാണ് ഈ വിവരം സാമൂഹിക മാധ്യമങ്ങളില് പങ്കുവച്ചത്. ഫെഫ്കയുടെ ഊഷ്മളമായ സ്വീകരണത്തില് ഹൃദയം നിറഞ്ഞ നന്ദിയുണ്ടെന്നും ഈ കുടുംബത്തില് അംഗമായതില് അഭിമാനമുണ്ടെന്നും അദ്ദേഹം കുറിച്ചു. ഫെഫ്കയുടെ ചലച്ചിത്ര തൊഴിലാളി സംഗമത്തിലാണ് മോഹന്ലാലിന് അംഗത്വം അനുവദിക്കപ്പെട്ടത്. സംവിധായകന് സിബി മലയിലാണ് അംഗത്വം കൈമാറിയത്.
മോഹന്ലാല് ആദ്യമായി സംവിധാനം ചെയ്യുന്ന ബറോസ് മെയ് മാസത്തില് റിലീസിനൊരുങ്ങുകയാണ്. സിനിമയുടെ പോസ്റ്റ് പ്രൊഡക്ഷന് ജോലികള് പുരോഗമിക്കുകയാണ്. സിനിമയുടെ റീ റെക്കോഡിങ് ജോലികള് ലോസ് ആഞ്ജലീസിലാണ് നടന്നത്. സ്പെഷ്യല് എഫക്ടുകള് ഇന്ത്യയിലും തായ്ലാന്റിലുമാണ് ചെയ്തത്. ത്രിഡി സാങ്കേതിക വിദ്യയില് അതിനൂതനമായ ടെക്നോളജികള് ഉപയോഗിച്ച് വന് ബജറ്റിലാണ് ചിത്രം ഒരുക്കിയിരിക്കുന്നത്. ഇന്ത്യയിലെ ആദ്യ ത്രീഡി ചിത്രമായിരുന്ന ‘മൈ ഡിയര് കുട്ടിച്ചാത്തന്’ സംവിധാനം ചെയ്ത ജിജോയുടെ ‘ബറോസ്: ഗാര്ഡിയന് ഓഫ് ഡി ഗാമാസ് ട്രെഷര്’ എന്ന കഥയെ ആസ്പദമാക്കിയാണ് ഒരുക്കിയ ചിത്രത്തിന്റെ സംഭാഷണങ്ങള് എഴുതിയിരിക്കുന്നത് കലവൂര് രവികുമാറാണ്.
അമേരിക്കന് റിയാലിറ്റി ഷോ ആയ ദ വേള്ഡ് ബെസ്റ്റില് പങ്കെടുത്ത് വിജയിച്ച ലിഡിയന് നാദസ്വരമാണ് ചിത്രത്തിനായി സംഗീതസംവിധാനം നിര്വഹിക്കുന്നത്. മാര്ക്ക് കിലിയനാണ് പശ്ചാത്തല സംഗീതം നിര്വഹിക്കുന്നത്. പ്രശസ്ത കലാസംവിധായകനായ സന്തോഷ് രാമനാണ് സെറ്റുകള് ഡിസൈന് ചെയ്യുന്നത്. സന്തോഷ് ശിവനാണ് ഛായാഗ്രഹണം നിര്വഹിക്കുന്നത്.
ടൈറ്റില് കഥാപാത്രമായ ബറോസിനെ അവതരിപ്പിക്കുന്നത് മോഹന്ലാലാണ്. ഗുരുസോമസുന്ദരം, മോഹന്ശര്മ, തുഹിന് മേനോന് എന്നിവര്ക്ക് പുറമേ മായാ, സീസര് ലോറന്റെ തുടങ്ങി. വിദേശതാരങ്ങളും വേഷമിടുന്നു. ആശിര്വാദ് സിനിമാസിന്റെ ബാനറില് ആന്റണി പെരുമ്പാവൂര് നിര്മാണം.
ഒരു ദശാബ്ദത്തിന് ശേഷമാണ് ചലച്ചിത്ര തൊഴിലാളി സംഗമം നടക്കുന്നത്. എറണാകുളം, കടവന്ത്ര- രാജീവ് ഗാന്ധി ഇന്ഡോര് സ്റ്റേഡിയത്തില് ഇന്ന് 10 മുതല് സംഗമം ആരംഭിച്ചു. സംഘടനയുടെ സ്വപ്നമായ ആരോഗ്യ സുരക്ഷാ പദ്ധതിയുടെ ഉദ്ഘാടനം ചടങ്ങില് നിര്വഹിക്കപ്പെട്ടു. വര്ഷത്തില് മൂന്ന് ലക്ഷം രൂപ വരെ ചികിത്സാ സഹായം ലഭിക്കുന്ന പദ്ധതിയാണിത്. ഒരാള്ക്ക് 3000 രൂപ മാത്രമാണ് പദ്ധതി തുകയ്ക്കായി വേണ്ടിവരിക. ഫെഫ്കയിലെ 21 യൂണിയനുകള് ചേര്ന്നാണ് ഈ മഹാദൗത്യം നടപ്പിലാക്കുന്നത്.
Jeevan TV 