ജോസ് മാത്യു

ഡാലസ് ∙ പി എം എഫ് ഗ്ലോബൽ കോഓർഡിനേറ്ററും ലോക കേരള സഭ അംഗവും ആയിരുന്ന ജോസ് മാത്യു പനച്ചിക്കലിന്റെ രണ്ടാം ചരമ വാർഷികത്തോടനുബന്ധിച്ചു പ്രവാസി മലയാളി ഫെഡറേഷൻ അനുസ്മരണ സമ്മേളനം സംഘടിപ്പിക്കുന്നു ഇന്ത്യൻ സമയം ജനുവരി 14 രാവിലെ 10 മണിക്ക് ലോകത്തിന്റെ വിവിധ ഭാഗങ്ങളിൽ നിന്നുള്ള പ്രവാസി സമൂഹം സൂം പ്ലാറ്റഫോമിൽ സംഘടിപ്പിക്കുന്ന അനുസ്മരണ സമ്മേളനത്തിൽ പങ്കെടുക്കും. ചെയർമാൻ ഡോ ജോസ് കാനാട്ട് അധ്യക്ഷത വഹിക്കും. പി എം എഫ് ഗ്ലോബൽ പ്രസിഡന്റ് എം പീ സലീം, സെക്രട്ടറി സാജൻ പട്ടേരി, പി എം എഫ് ഗ്ലോബൽ ഡയറക്ടർബോർഡ്, ഗ്ലോബൽ എക്സിക്യൂട്ടീവ് കൗൺസിൽ അംഗങ്ങൾ എന്നിവർ പങ്കെടുക്കും. സൂം ID 7973224063/,password;sunny , ഉപയോഗിക്കണമെന്ന് ഗ്ലോബൽ ഓർഗനൈസർ വർഗീസ് ജോൺ അഭ്യർഥിച്ചു.