“രണ്ടു ദിവസമായി ഫോൺ തകരാർ; മനംനൊന്ത് നഴ്സിങ് വിദ്യാർഥി തൂങ്ങി മരിച്ചു”

തിരുവല്ല : ഫോൺ തകരാറിലായതിൽ മനംനൊന്ത് പത്തൊൻപതുകാരനായ നഴ്സിങ് വിദ്യാർഥി തൂങ്ങിമരിച്ചു. തിരുവല്ല കുറ്റൂർ തലയാർ മട്ടയ്ക്കൽ വീട്ടിൽ ആരോൺ അനിൽ ജോസാണ് ഞായറാഴ്ച രാത്രി ആത്മഹത്യ ചെയ്തത്. തമിഴ്നാട്ടിലെ നഴ്സിങ് കോളജിൽ ഒന്നാംവർഷ വിദ്യാർഥിയായ ആരോൺ ഇന്നലെ തിരികെ പോകാനിരുന്നതാണ്. ഉപയോഗിച്ചിരുന്ന ഫോൺ രണ്ടു ദിവസമായി തകരാറിലായിരുന്നതിനാൽ ആരോൺ മനോവിഷമത്തിലായിരുന്നു. ഇതേത്തുടർന്നാണ് ആത്മഹത്യയെന്നാണ് ലഭിക്കുന്ന പ്രാഥമിക വിവരം.

സംഭവസമയം ആരോണിന്റെ പിതാവ് മാത്രമാണ് വീട്ടിലുണ്ടായിരുന്നത്. മാതാവ് മകൾക്കൊപ്പം കാനഡയിലാണ്. കിടപ്പുമുറിയിലാണ് ആരോണിനെ തൂങ്ങിമരിച്ച നിലയിൽ കണ്ടെത്തിയത്. വിവരമറിഞ്ഞെത്തിയ പൊലീസ് ഇന്നു രാവിലെ പ്രാഥമിക പരിശോധന പൂർത്തിയാക്കി പോസ്റ്റ്മോർട്ടത്തിനായി മൃതദേഹം വീട്ടിൽനിന്നും മാറ്റി.