തൃശൂർ: തൃശൂരിൽ ഓടിക്കൊണ്ടിരുന്ന കെഎസ്‌ആർടിസി ബസിന്റെ ആക്സിലും ടയറും ഊരിത്തെറിച്ചു. മണ്ണുത്തി റോഡില്‍ ഒല്ലൂക്കര സെന്ററില്‍ കോർപ്പറേഷൻ സോണല്‍ ഓഫീസിന് മുന്നില്‍ ഇന്ന് രാവിലെ ആയിരുന്നു സംഭവം. ഇതോടെ ബസിന്റെ പിറകില്‍ കാറും ഗുഡ്സ് ഓട്ടോറിക്ഷയും വന്നിടിക്കുകയായിരുന്നു.

അപകടത്തില്‍ ആർക്കും പരിക്കില്ല. കാറും ഗുഡ്സ് ഓട്ടോറിക്ഷയും ബസിന്റെ പിൻഭാഗവും ഭാഗികമായി തകർന്നു. അപകടത്തെത്തുടർന്ന് അരമണിക്കൂറോളം മേഖലയില്‍ ഗതാഗതം തടസപ്പെട്ടു. തലനാരിഴയ്ക്കാണ് വൻദുരന്തം ഒഴിവായത്.