ഇന്ത്യ-ന്യൂസിലാൻഡ് ഏകദിന പരമ്പരക്ക് ഇന്ന് തുടക്കമാകുകയാണ്. മൂന്ന് മത്സരങ്ങളുള്ള ഏകദിന പരമ്പരയിലെ ആദ്യ മത്സരം വഡോദര സ്റ്റേഡിയത്തിൽ വെച്ചാണ് നടക്കുക. രോഹിത് ശർമ, വിരാട് കോഹ്ലി എന്നീ ഇതിഹാസ താരങ്ങൾ കളിക്കുന്നതിന്റെ ആവേശത്തിലാണ് ക്രിക്കറ്റ് ആരാധകരെല്ലാം.
ദക്ഷിണാഫ്രിക്കക്കെതിരെ കഴിഞ്ഞ പരമ്പരയിൽ പ്ലെയർ ഓപ് ദി സീരീസായ വിരാട് മികച്ച ഫോമിലാണുള്ളത്. ഈ പരമ്പരയിൽ പുതിയ റെക്കോർഡുകൾ തേടിയാണ് വിരാട് കോഹ്ലിയിറങ്ങുന്നത്. ഏകദിന ക്രിക്കറ്റിൽ ഏറ്റവും കൂടുതൽ വേദികളിൽ സെഞ്ച്വറി തികക്കുന്ന താരമെന്ന റോക്കോർഡ് സ്വന്തമാക്കാൻ വിരാട്ടിന് സാധിക്കും. നിലവിൽ 34 വ്യത്യസ്ത സ്റ്റേഡിയങ്ങളിൽ വിരാട് ഏകദിന സെഞ്ച്വറികൾ സ്വന്തമാക്കിയിട്ടുണ്ട്.
Jeevan TV 