കൊച്ചി: മൂവാറ്റുപുഴയിൽ എംഡിഎംഎയുമായി സഹകരണ ബാങ്ക് ജീവനക്കാരൻ പിടിയിൽ. പുതുപ്പാടി പൂവത്തുംമൂട്ടിൽ ബാവ പി. ഇബ്രാഹിം (35) ആണ് അറസ്റ്റിലായത്. പ്രതിയിൽ നിന്ന് 2.8 ഗ്രാം എംഡിഎംഎ പിടികൂടി. ക്രിസ്മസ്-ന്യൂ ഇയർ സ്പെഷ്യൽ എൻഫോഴ്സ്മെന്റ് ഡ്രൈവിന്റെ ഭാഗമായി മൂവാറ്റുപുഴയിൽ എക്സൈസ് സംഘം ശനിയാഴ്ച രാത്രി നടത്തിയ പരിശോധനയിലാണ് എംഡിഎംഎ കണ്ടെത്തിയത്.
ശീതള പാനീയങ്ങൾ കുടിക്കാൻ ഉപയോഗിക്കുന്ന പ്ലാസ്റ്റിക് സ്ട്രോയിൽ രാസ ലഹരി ഒളിപ്പിച്ച് നൽകുന്ന രീതിയായിരുന്നു. സ്ട്രോയിൽ സാധനം നിറച്ച ശേഷം പൊതു സ്ഥലത്ത് ഇടുകയും ഉടനെ പണം നൽകിയവർക്ക് ചിത്രം കൈമാറുകയും ചെയ്യും. ഇതായിരുന്നു ബാവയുടെ കച്ചവട രീതിയെന്ന് എക്സൈസ് പറഞ്ഞു.
ആവശ്യക്കാരിൽ നിന്ന് പണം വാങ്ങിയ ശേഷമാണ് സ്ട്രോയിൽ രാസ ലഹരി ഒളിപ്പിച്ച് നൽകുന്നത്. രഹസ്യ വിവരത്തിന്റെ അടിസ്ഥാനത്തിൽ യുവാവിനെ എക്സൈസ് കയ്യോടെ പിടികൂടുകയായിരുന്നു.
Jeevan TV 