കാനഡയിലെ ടൊറണ്ടോ യൂണിവേഴ്സിറ്റിക്ക് സമീപം 20 കാരനായ ഇന്ത്യൻ വിദ്യാർഥി വെടിയേറ്റ് മരിച്ചു കാനഡയിൽ എംബിബിഎസിന് പഠിക്കുകയായിരുന്ന ശിവാങ്ക് അവസ്ഥിയെന്ന ഇന്ത്യക്കാരനെയാണ് കൊല്ലപ്പെട്ട നിലയിൽ കണ്ടതെന്ന് കോൺസുലേറ്റ് അറിയിച്ചു .
കിങ്സ്റ്റൺ റോഡിന് സമീപം ഹൈലാൻഡ് ക്രീക് ട്രെയിലിൽ ആണ് ഇന്ത്യൻ വിദ്യാർഥിയെ വെടിയേറ്റ് മരിച്ച നിലയിൽ കണ്ടെത്തിയതെന്ന് കോൺസുലേറ്റ് വ്യക്തമാക്കി സംഭവത്തിൽ ഇതുവരെയും ആരുടെയും അറസ്റ്റ് രേഖപ്പെടുത്തിയിട്ടില്ല. കൊലപാതകത്തിൽ എത്ര പേർ പങ്കാളികളാണെന്നത് വ്യക്തമല്ലെന്നും പൊലീസ് അറിയിച്ചു പൊലീസ് അന്വേഷണം ആരംഭിച്ചിട്ടുണ്ട്. ടൊറണ്ടോ യൂണിവേഴ്സിറ്റിക്ക് സമീപത്ത് നിന്ന് വെടിയേറ്റ നിലയിലാണ് തങ്ങൾക്ക് വിദ്യാർഥിയുടെ മൃതദേഹം ലഭിച്ചതെന്നാണ് പൊലീസ് ഭാഷ്യം കൊലപാതകവുമായി ബന്ധപ്പെട്ട എന്തെങ്കിലും വിവരങ്ങൾ അറിയുന്നവരോ ലഭിക്കുന്നവരോ ഉണ്ടെങ്കിൽ അന്വേഷണസംഘവുമായി ബന്ധപ്പെടാൻ ആവശ്യപ്പെട്ടിട്ടുണ്ട്. ഇന്ത്യൻ വിദ്യാർഥി വെടിയേറ്റ് മരിച്ചതിൽ അഗാധമായ ദുഖം രേഖപ്പെടുത്തിക്കൊണ്ട് ഇന്ത്യൻ കോൺസുലേറ്റ് ജനറൽ എക്സ് പോസ്റ്റിലൂടെ അനുശോചനമറിയിച്ചു. സമീപകാലത്ത് ഇത് രണ്ടാം തവണയാണ് കാനഡയിൽ ഇന്ത്യക്കാരൻ വെടിയേറ്റ് കൊല്ലപ്പെടുന്നത്. കഴിഞ്ഞ ആഴചയിൽ 30കാരിയായ ഇന്ത്യൻ യുവതിയെയും ടൊറണ്ടോയിൽ മരിച്ച നിലയിൽ കണ്ടെത്തിയിരുന്നു സംഭവത്തിൽ പ്രതികളെ പിടികൂടുന്നതിനായി കാനഡയിൽ വൈഡ് അറസ്റ്റ് വാറണ്ട് പ്രഖ്യാപിച്ചിട്ടുണ്ട്.
Jeevan TV 