ഇസ്രായേലിന്റെ ശക്തമായ എതിർപ്പിനിടയിലും ഗാസയിൽ രണ്ടാംഘട്ടവെടിനിർത്തൽ യാഥാർത്ഥ്യമാക്കാൻ അമേരിക്കൻനീക്കം ജനുവരിയിൽതന്നെ രണ്ടാംഘട്ട വെടിനിർത്തൽ നടപ്പിൽ വരുത്താൻ അമേരിക്ക തീരുമാനിച്ചതായി യുഎസ്, ഇസ്രയേൽ മാധ്യമങ്ങൾ റിപ്പോർട്ട് ചെയ്‌തു.

ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹുവിൻ്റെ യുഎസ് സന്ദർശനവേളയിൽ പ്രസിഡന്റ് ഡൊണാൾഡ് ട്രംപ് രണ്ടാംഘട്ടവെടിനിർത്തൽ സംബന്ധിച്ച പ്രഖ്യാപനം നടത്തുമെന്നാണ് സൂചന ഗാസയിലെ ഇടക്കാല സർക്കാർ, അന്താരാഷ്ട്ര സുരക്ഷാസേനയുടെ വിന്യാസം എന്നിവ സംബന്ധിച്ച വിശദാംശങ്ങളും ട്രംപ് പ്രഖ്യാപിക്കുമെന്ന് ഇസ്രായേൽമാധ്യമങ്ങൾ റിപ്പോർട്ട് ചെയ്‌തു എന്നാൽ രണ്ടാംഘട്ട വെടിനിർത്തൽ സാധ്യത അട്ടിമറിക്കാൻ ആസൂത്രിതനീക്കമാണ് ഇസ്രായേൽ തുടരുന്നതെന്ന് മധ്യസ്ഥരാജ്യമായ ഈജിപ്ത‌് കുറ്റപ്പെടുത്തി ഗാസയിൽ വെടിനിർത്തൽ നിരന്തരംലംഘിക്കുന്ന ഇസ്രായേൽനീക്കം ഇതിൻ്റെ തുടർച്ചയാണെന്നും ഈജിപ്ത് ചൂണ്ടിക്കാട്ടി. ഗാസയിലും വെസ്റ്റ്ബാങ്കിലും ഇസ്രായേൽ ഇന്നലെയും ആക്രമണം നടത്തി ഗാസയിലെസ്ഥിതി കൂടുതൽ ആപത്‌കരമാണെന്ന് അന്താരാഷ്ട്ര സന്നദ്ധ സംഘടനകൾ അറിയിച്ചു മരുന്നും ഉപകരണങ്ങളുമില്ലാതെ പ്രയാസപ്പെടുന്ന ഗാസയിലെ ആശുപത്രികൾക്ക് കടുത്ത ഇന്ധനക്ഷാമവും ഇരുട്ടടിയായി. ഇന്ധനക്ഷാമം മൂലം നുസൈറാത്ത് അഭയാർഥിക്യാമ്പിൽ പ്രവർത്തിക്കുന്ന അൽഔദ ആശുപ്രതിയിൽ ശസ്ത്രക്രിയകൾ നിർത്തിവെച്ചു