ആലപ്പുഴ: യാത്രക്കാരുമായി ദേശീയ പാതയിലൂടെ സഞ്ചരിക്കുകയായിരുന്ന കെഎസ്ആർടിസി. ഫാസ്റ്റ് പാസഞ്ചർ ബസിൻ്റെ മുൻവശത്തെ ടയർ ഊരിത്തെറിച്ച് അപകടം. ബസ് നിയന്ത്രണം വിട്ട് ഡിവൈഡറിൽ ഇടിച്ചു കയറിയെങ്കിലും, യാത്രക്കാർ പരിക്കേൽക്കാതെ രക്ഷപ്പെട്ടു.

ദേശീയ പാത വളഞ്ഞ വഴി എസ് എൻ കവല ജംഗ്ഷനിൽ ഇന്നലെ ഉച്ചക്കായിരുന്നു സംഭവം. ബസ് ഡിവൈഡറിൽ ഇടിച്ചു കയറിയതിനാൽ വൻ അപകടം ഒഴിവായി. സംഭവത്തിൽ ആർക്കും പരിക്കില്ല. മുൻ വശത്തെ ടയറാണ് ഊരിതെറിച്ചത്. ടയർ ഊരിത്തെറിച്ചതിനെ തുടർന്ന് നിയന്ത്രണം നഷ്ടപ്പെട്ട ബസ് ഡിവൈഡറിൽ ഇടിച്ചു നിന്നു. അപകടത്തിൽ ആർക്കും പരിക്കേൽക്കാത്തത് വൻ ദുരന്തം ഒഴിവാക്കി.