അന്താരാഷ്ട്ര ചലച്ചിത്രമേളയായ ഐഎഫ്എഫ്കെയുടെ (IFFK) സെലക്ഷൻ സ്ക്രീനിംഗിനിടെ സ്ത്രീയെ പീഡിപ്പിക്കാൻ ശ്രമിച്ചെന്ന പരാതിയിൽ സംവിധായകനും മുൻ എംഎൽഎയുമായ പി.ടി. കുഞ്ഞുമുഹമ്മദിനെതിരെ കേസ് രജിസ്റ്റർ ചെയ്തു.
ഫിലിം സ്ക്രീനിംഗ് കമ്മിറ്റിയിൽ അംഗമായ സ്ത്രീയാണ് പരാതി നൽകിയത്. സ്ക്രീനിംഗ് കമ്മിറ്റി ജോലിയുമായി ബന്ധപ്പെട്ട് താമസിച്ചിരുന്ന ഹോട്ടൽ മുറിയിൽ വെച്ച് കുഞ്ഞുമുഹമ്മദ് പീഡിപ്പിക്കാൻ ശ്രമിച്ചുവെന്നാണ് പരാതി. ഒരു മാസം മുൻപാണ് തിരുവനന്തപുരം തലസ്ഥാന നഗരിയിൽ വെച്ച് സംഭവം നടന്നത്.
സംവിധായകൻ തന്നെ ഹോട്ടൽ മുറിയിലേക്ക് വിളിച്ചു വരുത്തി അപമര്യാദയായി പെരുമാറിയെന്ന് പരാതിയിൽ പറയുന്നു. പരാതിക്കാരിയുടെ മൊഴി പോലീസ് രേഖപ്പെടുത്തി. മുൻപ് ഇടതു സ്വതന്ത്ര എം.എൽ.എ. ആയും പി.ടി. കുഞ്ഞുമുഹമ്മദ് സേവനമനുഷ്ഠിച്ചിട്ടുണ്ട്.
Jeevan TV 