കൊച്ചി: എറണാകുളത്ത് ട്രെയിനില് നിന്നും 56 കിലോ കഞ്ചാവ് പിടികൂടി. എറണാകുളം സൗത്ത് റെയില്വേ സ്റ്റേഷനില് നിന്നും ആണ് കഞ്ചാവ് പിടികൂടിയത്. സംഭവത്തിൽ രണ്ട് മലയാളികളും ഒരു റെയില്വേ ജീവനക്കാരനും പിടിയിൽ ആയിട്ടുണ്ട്.
ട്രെയിനിലെ കരാര് ജീവനക്കാരനാണ് കഞ്ചാവ് കടത്തിയതെന്ന് പൊലീസ് സൂചിപ്പിച്ചു. ടാറ്റ നഗര് എക്സ്പ്രസില് നിന്നാണ് കഞ്ചാവ് പിടികൂടിയത്. ലഗേജ് ബോഗിക്കുള്ളില് ഒളിപ്പിച്ചാണ് കഞ്ചാവ് കടത്താന് ശ്രമിച്ചത്. കരാര് ജീവനക്കാരനായ ഉത്തരേന്ത്യന് സ്വദേശി സുഖലാല്, വിജയവാഡയില് നിന്നാണ് കഞ്ചാവ് എത്തിച്ചതെന്നാണ് വിവരം.
കഞ്ചാവ് കൈപ്പറ്റാനെത്തിയ സനൂപ്, ദീപക് എന്നീ മലയാളികളാണ് കസ്റ്റഡിയിലായിട്ടുള്ളത്. ഇന്നു പുലര്ച്ചെ ട്രെയിന് എറണാകുളം സ്റ്റേഷനില് എത്തിയപ്പോഴാണ് ഇവര് പിടിയിലായത്. ഇവരെ വിശദമായി ചോദ്യം ചെയ്തുവരികയാണെന്ന് പൊലീസ് പറഞ്ഞു.
Jeevan TV 