കുവൈത്ത് സിറ്റി: കുവൈത്തിലെ എണ്ണ ഖനന കേന്ദ്രത്തിൽ ഉണ്ടായ അപകടത്തിൽ കണ്ണൂർ സ്വദേശി മരിച്ചു. കണ്ണൂർ കൂടാളി പിരിയപ്പൻ വീട്ടിൽ മുരിക്കൻ രാജേഷ് (38) ആണ് മരിച്ചത്. കുവൈത്തിലെ ഓയിൽ റിഗ്ഗിൽ ഉണ്ടായ അപകടത്തിൽ മരിച്ച മുരിക്കൻ രാജേഷിന്റെ മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടിക്രമങ്ങൾ പുരോഗമിക്കുകയാണ്.
അതേസമയം ഏതാനും ദിവസങ്ങൾക്ക് മുമ്പ് കുവൈത്തിലെ അബ്ദല്ലിയിലെ എണ്ണ ഖനന കേന്ദ്രത്തില് ഉണ്ടായ അപകടത്തില് രണ്ട് മലയാളികള് മരണപ്പെട്ടിരുന്നു. ജോലിക്കിടെ പെട്ടെന്ന് ഉണ്ടായ അപകടത്തിൽ തലക്ക് ഗുരുതരമായ പരിക്ക് പറ്റിയതിനെ തുടര്ന്നാണ് ഇരുവരുടെയും മരണം സംഭവിച്ചത്.
തൃശൂര് നടുവിലെ പറമ്പില് നിഷില് സദാനന്ദന് (40), കൊല്ലം സ്വദേശി സുനില് സോളമന് (43) എന്നിവരാണ് മരിച്ചത്. ഇരുവരും എണ്ണ ഖനന മേഖലയിലുള്ള കരാര് തൊഴിലാളികളായിരുന്നു.
Jeevan TV 