ഗ്വാളിയോർ: മദ്ധ്യപ്രദേശിലെ ഗ്വാളിയോർ നാഷണല്‍ ഹൈവേയിൽ കാറും ട്രാക്ടറും കൂട്ടിയിടിച്ച്‌ അഞ്ച് പേർക്ക് ദാരുണാന്ത്യം. പിറന്നാള്‍ ആഘോഷത്തില്‍ പങ്കെടുത്ത് മടങ്ങുകയായിരുന്ന അഞ്ച് സുഹൃത്തുക്കളാണ് അപകടത്തില്‍ മരിച്ചത്. അമിതവേഗതയില്‍ വന്ന ഫോർച്യൂണർ കാർ മണല്‍ നിറച്ച ട്രാക്ടർ ട്രോളിയുടെ പിന്നില്‍ ഇടിക്കുകയായിരുന്നു. അപകടത്തിന് ശേഷം ട്രാക്ടർ ഡ്രൈവർ ട്രോളി ഉപേക്ഷിച്ച്‌ ട്രാക്ടറുമായി രക്ഷപ്പെട്ടു.

അഞ്ച് പേരുടെയും മൃതദേഹങ്ങള്‍ പോസ്റ്റ്‌മോർട്ടത്തിനായി ആശുപത്രിയിലേക്ക് മാറ്റിയിട്ടുണ്ട്. വേഗത കൂടുതലായതിനാല്‍ ഇടിയുടെ ആഘാതത്തില്‍ കാർ പൂർണ്ണമായും തകർന്നു. വാഹനത്തിലുണ്ടായിരുന്ന അഞ്ച് പേരും സംഭവസ്ഥലത്തുതന്നെ മരിച്ചു.