സ്റ്റേഡിയം നവീകരിക്കുകയല്ലേ ചെയ്യുന്നത്?, പൊളിച്ചുമാറ്റുക ഒന്നും അല്ലല്ലോ; വിവാദമെന്തിനെന്ന് എം ബി രാജേഷ്

രാജീവ് ചന്ദ്രശേഖറിനെതിരെ ഉയര്‍ന്ന ഭൂമി കുംഭകോണ ആരോപണത്തിലും മന്ത്രി പ്രതികരിച്ചു.

തിരുവനന്തപുരം: കലൂര്‍ സ്റ്റേഡിയം നവീകരിക്കുകയല്ലേ ചെയ്യുന്നത്, പൊളിച്ചു മാറ്റുക ഒന്നും അല്ലല്ലോയെന്ന് ചോദിച്ച് മന്ത്രി എംബി രാജേഷ്. കലൂര്‍ സ്റ്റേഡിയം നവീകരണവുമായി ബന്ധപ്പെട്ട് ആരോപണങ്ങള്‍ ഉന്നയിക്കുന്നതിനോട് പ്രതികരിക്കുകയായിരുന്നു അദ്ദേഹം.

സ്വകാര്യ ദൃശ്യങ്ങൾ പകർത്തിയത് ഭീഷണിപ്പെടുത്തി പണം തട്ടൽ; കൊച്ചിയിൽ യുവാവിനെതിരെ കൂടുതൽ പരാതികൾ

സ്റ്റേഡിയം നവീകരിക്കുകയല്ലേ ചെയ്യുന്നത്. പൊളിച്ചു മാറ്റുക ഒന്നും അല്ലല്ലോ. നമ്മുടെ നാട്ടില്‍ നല്ല കാര്യം നടക്കാനും പാടില്ല എന്നാണോ.അത് സര്‍ക്കാരിന് ചിലവ് വരുന്ന കാര്യം അല്ല. ഒരാള്‍ ഒരു പൊതുകാര്യം നവീകരിക്കാന്‍ ശ്രമിക്കുന്നു. ഒരു നല്ല കാര്യം ചെയ്യുമ്പോള്‍ വിവാദം ആക്കുന്നത് എന്തിനാണെന്നും എം ബി രാജേഷ് ചോദിച്ചു.

രാജീവ് ചന്ദ്രശേഖറിനെതിരെ ഉയര്‍ന്ന ഭൂമി കുംഭകോണ ആരോപണത്തിലും മന്ത്രി പ്രതികരിച്ചു. രാജീവിനെ കുറിച്ചല്ലേ ആരോപണം വന്നിരിക്കുന്നത്. അതിനു മറുപടി പറയേണ്ടത് അദ്ദേഹം ആണ്. വിശദീകരിക്കാന്‍ അദ്ദേഹം ബാധ്യസ്ഥനാണ്. മാധ്യമങ്ങളോട് ആക്രോശിച്ചിട്ടും മാധ്യമങ്ങള്‍ എന്തുകൊണ്ട് പ്രതിഷേധിക്കുന്നില്ല. അദ്ദേഹത്തിന് പ്രത്യേക പ്രിവിലേജ് ലഭിക്കുന്നുണ്ടോയെന്ന് എം ബി രാജേഷ് ചോദിച്ചു.