വനംവകുപ്പിനെതിരെ പ്രതിഷേധവുമായി നാട്ടുകാര് രംഗത്ത്
തൃശ്ശൂര്: കാട്ടുപന്നിയെ വേട്ടയാടി മാംസം വില്പന നടത്തി എന്ന കേസില് ജാമ്യത്തിലിറങ്ങിയ പ്രതി ജീവനൊടുക്കി. ഫോറസ്റ്റ് ഉദ്യോഗസ്ഥര് അറസ്റ്റ് ചെയ്തതിന് ശേഷം ജാമ്യത്തില് ഇറങ്ങിയ യുവാവിനെയാണ് വീടിന് സമീപത്ത് തൂങ്ങിമരിച്ച നിലയില് കണ്ടെത്തിയത്. കാഞ്ഞിരക്കോട് വടക്കന് വീട്ടില് 30 വയസ്സുള്ള മിഥുനാണ് ഇന്ന് രാവിലെ വീടിനു സമീപത്തെ സ്വകാര്യ വ്യക്തിയുടെ പറമ്പില് തൂങ്ങിമരിച്ച നിലയില് കണ്ടെത്തിയത്. സംഭവത്തില് വനംവകുപ്പിനെതിരെ പ്രതിഷേധവുമായി നാട്ടുകാര് രംഗത്തെത്തി. തഹസില്ദാര് സ്ഥലത്തെത്തിയിട്ട് മൃതദേഹം ഇറക്കിയാല് മതിയെന്നാണ് നാട്ടുകാരുടെ ആവശ്യം.
Jeevan TV 