തിരുവനന്തപുരം : ബംഗാൾ ഉൾക്കടലിൽ രൂപപ്പെട്ട ന്യൂനമർദം 48 മണിക്കൂറിൽ വടക്കൻ ആന്ധ്രപ്രദേശ് തെക്കൻ ഒഡീഷ തീരത്തേക്ക് നീങ്ങാൻ സാധ്യതയുള്ളതിനാൽ സംസ്ഥാനത്ത് 14, 15 തീയതികളിൽ ഒറ്റപ്പെട്ട ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. 15 വരെ മണിക്കൂറിൽ 40 മുതൽ 50 കിലോമീറ്റർ വരെ വേഗത്തിൽ കാറ്റിനും സാധ്യത. 14ന് എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് ജില്ലകളിലും 15ന് എറണാകുളം, തൃശൂർ, മലപ്പുറം, കോഴിക്കോട് ജില്ലകളിലും യെലോ അലർട്ട് പ്രഖ്യാപിച്ചു.

ALSO READ:

വരും ദിവസങ്ങളിൽ മഴ കനക്കും, ന്യൂനമർദ്ദം 48 മണിക്കൂറിൽ ശക്തിപ്രാപിക്കുമെന്ന് സൂചന.

കെഎസ്ഇബി അണക്കെട്ടുകളിൽ ജലനിരപ്പ് 75 ശതമാനമായി തൊടുപുഴ∙ തുടർച്ചയായി മഴ ലഭിച്ചതിനാൽ സംസ്ഥാനത്തെ കെഎസ്ഇബി അണക്കെട്ടുകളിലെ ജലനിരപ്പ് 75 ശതമാനമായി ഉയർന്നു. ഏറ്റവും കൂടുതൽ അണക്കെട്ടുകളുള്ള ഇടുക്കിയിൽ ഈ സീസണിൽ 34 ശതമാനം മഴയുടെ കുറവുണ്ടെങ്കിലും തുടർച്ചയായി മഴ ലഭിച്ചതിനാൽ അണക്കെട്ടുകളിലേക്കുള്ള ജലസ്രോതസ്സുകൾ ശക്തമാവുകയായിരുന്നു. സംസ്ഥാനത്തെ വൈദ്യുതി ഉൽപാദനവും ഉയർത്തി.സംസ്ഥാനത്ത് ഈ മാസം പ്രതിദിനം ശരാശരി 44.0315 ദശലക്ഷം യൂണിറ്റ് വൈദ്യുതിയാണ് ഉൽപാദിപ്പിക്കുന്നത്. മൊത്തം ഉപയോഗത്തിന്റെ പകുതിയിലേറെ വൈദ്യുതി ഇപ്പോൾ സംസ്ഥാനത്ത് തന്നെ ഉൽപാദിപ്പിക്കുന്നുണ്ട്.