‘വിമർശനങ്ങളെ സ്വാഗതം ചെയ്യുന്നു, എന്നാൽ എനിക്ക് മറ്റ് ചില നല്ല കാര്യങ്ങൾ ചെയ്യാനുണ്ട്’; മറുപടിയുമായി ശശി തരൂർ.

ന്യൂ ഡൽഹി: മോദി സ്തുതിക്ക് പിന്നാലെ തനിക്ക് നേരെ ഉയരുന്ന വിമർശനങ്ങൾക്ക് മറുപടിയുമായി ശശി തരൂർ എംപി രംഗത്ത്. തനിക്ക് നേരെയുളള വിമർശനങ്ങളെ സ്വാഗതം ചെയ്യുന്നുവെന്നും എന്നാൽ തനിക്ക് മറ്റ് ചില നല്ല കാര്യങ്ങൾ ചെയ്യാനുണ്ട് എന്നുമായിരുന്നു തരൂരിന്റെ മറുപടി.

എക്സ് പോസ്റ്റിലോടെയായിരുന്നു തരൂരിന്റെ മറുപടി. താൻ പറഞ്ഞ വിഷയങ്ങളിൽ അജ്ഞതക്കുറവുണ്ടെന്ന് പറഞ്ഞവരോട്, താൻ പറഞ്ഞത് തീവ്രവാദ അക്രമണങ്ങൾക്കുള്ള പ്രതികാര നടപടിയെപ്പറ്റി മാത്രമാണ്, അല്ലാതെ മുൻ യുദ്ധങ്ങളെപ്പറ്റിയല്ല എന്ന് തരൂർ പറഞ്ഞു.തന്റെ പരാമർശങ്ങൾക്ക് മുമ്പ് സമീപ വർഷങ്ങളിൽ മാത്രം നടന്ന നിരവധി ആക്രമണങ്ങളെക്കുറിച്ചുള്ള മറ്റൊരു പരാമർശം ഉണ്ടായിരുന്നു. അപ്പോഴും നമ്മുടെ പ്രതികരണം നിയന്ത്രണരേഖയെ ബഹുമാനിച്ചുകൊണ്ടായിരുന്നുവെന്നും തരൂർ മറുപടിയിൽ കൂട്ടിച്ചേർത്തു. തുടർന്നാണ് വിമർശനങ്ങളെ സ്വാഗതം ചെയ്യുന്നുവെന്നും എന്നാൽ തനിക്ക് മറ്റ് ചില നല്ല കാര്യങ്ങൾ ചെയ്യാനുണ്ട് എന്നും തരൂർ എഴുതിയത്.