പഹൽഗാം ഭീകരാക്രമണത്തിന് സഹായം നൽകിയ മൂന്നു ഭീകരരെ സുരക്ഷാ സേന വധിച്ചു. പഹൽഗാം ഭീകരാക്രമണത്തിന് സഹായം നൽകിയ ആസിഫ് ഷെയ്ഖ് അടക്കമുള്ള മൂന്നു ലഷ്കര് ഭീകരരെയാണ് ഓപ്പറേഷൻ നാദര് ഏറ്റുമുട്ടലിലൂടെ വധിച്ചത്. അവന്തിപ്പോരയിലെ നാദറിൽ സൈന്യം നടത്തിയ ഓപ്പറേഷനിലാണ് ഭീകരരെ കൊലപ്പെടുത്തിയത്. സ്ഥലത്ത് കനത്ത ഏറ്റുമുട്ടൽ തുടരുകയാണ്. ഏറ്റുമുട്ടലിലാണ് ഭീകരരെ വധിച്ചത്.
നാദര് ഗ്രാമത്തിലെ ഒരു വീട്ടിലാണ് ഭീകരര് ഒളിച്ചിരുന്നത്. ലഷ്കര് ഭീകരരായ യാവര് അഹമ്മദ്, ആസിഫ് അഹമ്മദ് ഷെയിഖ്, അമിര് നാസര് വാനി എന്നിവരെയാണ് വധിച്ചത്. മെയ് 12 മുതൽ ആസിഫ് ഷെയിഖ് ഈ മേഖലയിലുണ്ടായിരുന്നു. ഭീകരര് സ്ഥലത്തുണ്ടെന്ന വിവരത്തിന്റെ അടിസ്ഥാനത്തിലാണ് സൈന്യം ഓപ്പറേഷൻ നടത്തിയത്. പഹൽഗാമിൽ ഭീകരാക്രമണം നടത്തിയ ഭീകരരെ സഹായിച്ച ഭീകരനാണ് ആസിഫ് ഷെയിഖ്.
Jeevan TV 