പൊലീസിനെക്കാള് പാര്ട്ടിയിലെ ക്രിമിനലുകളാണ് മുഖ്യമന്ത്രിക്ക് വലുത്; വിഡി സതീശന്
തിരുവനന്തപുരം: പൊലീസിനെക്കാള് പാര്ട്ടിയിലെ ക്രിമിനലുകളാണ് മുഖ്യമന്ത്രി പിണറായി വിജയന് വലുതെന്ന് പ്രതിപക്ഷ നേതാവ് വിഡി സതീശന്. പൊലീസിന്റെ ആത്മവീര്യം തകര്ക്കുന്ന സംഭവമാണ് തലശേരിയില് ഉണ്ടായതെന്നും പൊലീസിനെക്കാള് വലുതാണ് സിപിഎം എന്ന സന്ദേശമാണ് സര്ക്കാര് നല്കിയതെന്നും വി ഡി സതീശൻ കുറ്റപ്പെടുത്തിപിണറായി വിജയന് ആഭ്യന്തര മന്ത്രിയായി ഇരിക്കുമ്പോള് പൊലീസ് എടുത്ത കേസില് അതേ പൊലീസ് ഉദ്യോഗസ്ഥരെ സ്ഥലം മാറ്റിയതിലൂടെ എന്ത് നീതിയാണ് നടപ്പാക്കുന്നതെന്നും വി ഡി സതീശൻ ചോദിച്ചു. അമ്പലത്തില് ഉത്സവം നടക്കുമ്പോള് എന്തിനാണ് ഇൻക്വിലാബ് സിന്ദാബാദ് വിളിക്കുന്നത്. ഇപ്പോള് സിപിഎമ്മുകാര് അമ്പലത്തില് പോയി പുഷ്പനെ അറിയമോ എന്ന പാട്ട് പാടുകയാണ്. അക്രമം ഇല്ലാതാക്കേണ്ടത് പൊലീസിന്റെ ചുമതലയാണെന്നും വി ഡി സതീശൻ പറഞ്ഞു.
തലശേരിയില് ബിജെപി- സിപിഎം സംഘര്ഷമുണ്ടായപ്പോള് ഇടപെട്ട പൊലീസിനെ സിപിഎം ക്രിമിനലുകൾ നിലത്തിട്ട് ചവിട്ടിക്കൂട്ടിയെന്നും ഈ സംഭവത്തില് അറസ്റ്റിലായ പ്രതിയെ സിപിഎം നേതാക്കള് ബലമായി മോചിപ്പിച്ചുവെന്നും വി ഡി സതീശൻ കുറ്റപ്പെടുത്തി. വനിത ഉള്പ്പെടെ രണ്ട് എസ് ഐമാര്ക്കെതിരെ നടപടി എടുത്തിരിക്കുകയാണ്. ഇത് എന്ത് പൊലീസാണെന്നും വി ഡി സതീശൻ ചോദിച്ചു.
Jeevan TV 