എം.വി ഗോവിന്ദൻ

സിപിഐഎം സംസ്ഥാന സെക്രട്ടറിയായി എം.വി. ​ഗോവിന്ദനെ തെരഞ്ഞെടുത്തു. 24ാം പാർട്ടി കോൺ​ഗ്രസിന് മുന്നോടിയായി കൊല്ലത്ത് നടന്ന സംസ്ഥാന സമ്മേളനത്തിൽ ഗോവിന്ദന് രണ്ടാമൂഴം പ്രഖ്യാപിക്കുകയായിരുന്നു.

ലുധിയാനയിലെ ഷഹീദ് കർത്താർ സിങ് സരാബയിൽ ഡിവൈഎഫ്ഐ എന്ന സംഘടന 1980ൽ പിറവിയെടുക്കുമ്പോൾ പിന്നണിയിൽ അഭിമാനത്തോടെ നിന്ന അഞ്ചു പേരിൽ ഒരാളായിരുന്നു എം.വി. ഗോവിന്ദൻ.

കെഎസ്‌വൈഎഫിന്‍റെ നേതൃസ്ഥാനത്ത് നിന്ന് ഡിവൈഎഫ്ഐ രൂപീകരിക്കാൻ പാർട്ടി തെരഞ്ഞെടുത്ത അഞ്ചു പേരിൽ ഒരാൾ. എം.വി. ഗോവിന്ദന്‍റെ പേനയിൽ നിന്നു കൂടി രൂപപ്പെട്ട ആ സംഘടനയുടെ ആദ്യ അഖിലേന്ത്യ പ്രസിഡന്‍റായി നിയമിതനായത് ഇ.പി. ജയരാജൻ.