വയനാട്ടിലെ മുണ്ടക്കൈ-ചൂരല്മല
വയനാട്: വയനാട്ടിലെ മുണ്ടക്കൈ-ചൂരല്മല ഉരുള്പൊട്ടല് ദുരന്തബാധിതരെ പുനരധിവസിപ്പിക്കാനുള്ള ആദ്യ ടൗണ്ഷിപ്പ് കല്പ്പറ്റ എല്സ്റ്റോണ് എസ്റ്റേറ്റിലാണ് സജ്ജമാകുക. ടൗണ്ഷിപ്പ് നിര്മ്മാണത്തിനായി കണ്ടെത്തിയ എസ്റ്റേറ്റുകളില് എല്സ്റ്റോണില് മാത്രം നിര്മ്മാണം നടത്താനാണ് സര്ക്കാര് തലത്തില് ധാരണയായിട്ടുള്ളത്. എസ്റ്റേറ്റ് ഏറ്റെടുക്കല് നടപടികള് ഈ മാസം തന്നെ പൂര്ത്തിയാക്കാന് മുഖ്യമന്ത്രി പിണറായി വിജയന് നിര്ദേശം നല്കി.
ഉരുള്പൊട്ടലില് തകര്ന്ന മുണ്ടക്കൈ-ചൂരല് മല മേഖലയുടെ പുനര്നിര്മ്മാണത്തിനായി 529.5 കോടിയാണ് കേന്ദ്രം വായ്പയായി നല്കിയത്. ഈ സാമ്പത്തിക വര്ഷം തന്നെ ഉപയോഗിക്കണം എന്ന നിബന്ധനയോടെയാണ് വായ്പ അനുവദിച്ചിരുന്നത്.
Jeevan TV 