ബോബി ചെമ്മണ്ണൂർ
കൊച്ചി : ഹണി റോസിന്റെ പരാതിയിലെടുത്ത കേസില് ജാമ്യം ലഭിച്ചിട്ടും പുറത്തിറങ്ങുന്നത് വൈകിപ്പിച്ച ബോബി ചെമ്മണൂരിനെതിരെ രൂക്ഷപരാമര്ശങ്ങളുമായി ഹൈക്കോടതി. വേണ്ടിവന്നാല് ജാമ്യം റദ്ദാക്കാനുമറിയാമെന്ന് ജസ്റ്റിസ് പി.വി. കുഞ്ഞികൃഷ്ണന് പറഞ്ഞു. നാടകം വേണ്ടെന്ന് കോടതി ബോബിയുടെ അഭിഭാഷകരോട് പറഞ്ഞു. മറ്റ് പ്രതികള്ക്കുവേണ്ടി ജയിലില് തുടരുമെന്ന് പറയാന് ബോബി ചെമ്മണൂര് ആരാണെന്നും കോടതി ചോദിച്ചു.
ബോബി സൂപ്പര് കോടതി ചമയേണ്ട. തനിക്ക് മുകളില് ആരുമില്ലെന്ന് ബോബി കരുതേണ്ട. അത് കോടതി കാണിച്ചുതരാം. പുറത്തിറങ്ങാതെ ജയിലിലിട്ട് വിചാരണനടത്താനും കോടതിക്കറിയാമെന്നും ജസ്റ്റിസ് പി.വി. കുഞ്ഞികൃഷ്ണന് മുന്നറിയിപ്പ് നല്കി.
Jeevan TV 