മരിച്ച സിന്ധു
കുന്നംകുളം : ആര്ത്താറ്റ് കിഴക്കുമുറിയില് വീട്ടില് സ്ത്രീയെ മോഷണശ്രമത്തിനിടെ വെട്ടിക്കൊലപ്പെടുത്തി. നാടന്ചേരി വീട്ടില് സിന്ധു (50) വിനെയാണ് കൊലപ്പെടുത്തിയത്. തിങ്കളാഴ്ച രാത്രി എട്ടോടെയാണ് ഇവരെ കൊല്ലപ്പെട്ട നിലയില് കണ്ടെത്തിയത്. മണിക്കൂറുകള്ക്കുള്ളില് തന്നെ പ്രതിയെ നാട്ടുകാര് പിടികൂടി. മുതുവറ സ്വദേശി കണ്ണനാണ് പിടിയിലായത്.
ഭര്ത്താവ് മണികണ്ഠനും സിന്ധുവുമാണ് വീട്ടിലുണ്ടായിരുന്നത്. ധാന്യങ്ങള് പൊടിക്കുന്ന സ്ഥാപനവും വീടിന് സമീപം പ്രവര്ത്തിക്കുന്നുണ്ട്. പണി കഴിഞ്ഞ് മണികണ്ഠന് വീട്ടില് നിന്ന് പുറത്ത് പോയ സമയത്താണ് ആക്രമണം നടന്നതെന്ന് കരുതുന്നു. മണികണ്ഠന് തിരിച്ചെത്തിയപ്പോള് സിന്ധുവിനെ മരിച്ചുകിടക്കുന്ന നിലയിലാണ് കണ്ടത്. കഴുത്തിന് മാരകമായ രീതിയില് വെട്ടേറ്റിരുന്നു. കുന്നംകുളം പോലീസ് സ്ഥലത്തെത്തി അന്വേഷണം തുടങ്ങി.സിന്ധുവിന്റെ സ്വര്ണ്ണാഭരണങ്ങള് പ്രതിയില് നിന്ന് കണ്ടെത്തി. പോലീസ് ചോദ്യം ചെയ്യല് പുരോഗമിക്കുന്നു
Jeevan TV 