ജയ്പൂരിൽ രാസവസ്തു കയറ്റിവന്ന ട്രക്ക് മറ്റ് വാഹനങ്ങളുമായി കൂട്ടിയിടിച്ച് വൻ തീപ്പിടിത്തം; അഞ്ചു മരണം

രാസവസ്തു കയറ്റിവന്ന ട്രക്ക് മറ്റ് വാഹനങ്ങളുമായി കൂട്ടിയിടിച്ച് ഉണ്ടായ തീപ്പിടിത്തം

ജയ്പൂർ : ജയ്പൂരിൽ രാസവസ്തു കയറ്റിവന്ന ട്രക്ക് മറ്റ് വാഹനങ്ങളുമായി കൂട്ടിയിടിച്ച് വൻ തീപ്പിടിത്തം. അപകടത്തിൽ അഞ്ച് പേർ മരിക്കുകയും ഇരുപതിലധികം പേർക്ക് പരിക്കേൽക്കുകയും ചെയ്തു. നാൽപതോളം വാഹനങ്ങൾക്ക് തീപിടിച്ചതായാണ് വിവരം. ജയ്പൂർ- അജ്മീർ ഹൈവേയിലെ പെട്രോൾ പമ്പിനുമുന്നിൽ വെള്ളിയാഴ്ച രാവിലെ 5.30- ഓടെയായിരുന്നു സംഭവം.

രാസവസ്തു കയറ്റിവന്ന ട്രക്ക് മറ്റൊരു ട്രക്കുമായി ആദ്യം കൂട്ടിയിടിച്ച് തീപ്പിടിക്കുകയായിരുന്നു. പിന്നാലെവന്ന മറ്റുവാഹനങ്ങൾ ഒന്നിനുപിറകെ ഒന്നായി കൂട്ടിയിടിക്കുകയും തീപ്പിടിക്കുകയും ചെയ്തു. 20 അ​ഗ്നിരക്ഷാ യൂണിറ്റുകളെത്തിയാണ് തീ നിയന്ത്രണവിധേയമാക്കിയത്. അപകടത്തെ തുടർന്ന് ദേശീയപാതയിൽ മണിക്കൂറുകളോളം ​ഗതാ​ഗതം സംതംഭിച്ചു. പരിക്കേറ്റവരെ ജയ്പുരിലെ സവായ് മാൻ സിങ് ആശുപത്രിയിൽ പ്രവേശിപ്പിച്ചു. ഇവരിൽ പലരുടെയും നില ​ഗുരുതരമാണെന്നാണ് വിവരം.