ഭരണഘടന അംഗീകരിക്കപ്പെട്ടതിന്റെ 75–ാം വാർഷിക ആഘോഷങ്ങൾക്കായി പഴയ പാർലമെന്റ് മന്ദിരത്തിലെ കോൺസ്റ്റിറ്റ്യൂവന്റ് ഹാളിലേക്കെത്തുന്ന രാഷ്ട്രപതി ദ്രൗപദി മുർമു. Image Credit: X/SansadTV

ന്യൂഡൽഹി ∙ ഇന്ത്യൻ ജനാധിപത്യത്തിന്റെ നെടുംതൂണായ ഭരണഘടന അംഗീകരിക്കപ്പെട്ടതിന്റെ 75–ാം വാർഷിക ആഘോഷങ്ങൾക്ക് തുടക്കം. ഭരണഘടന രൂപം കൊണ്ട പഴയ പാർലമെന്റ് മന്ദിരത്തിലെ കോൺസ്റ്റിറ്റ്യൂവന്റ് ഹാളിൽ (സെൻട്രൽ ഹാളിൽ) രാഷ്ട്രപതി ദ്രൗപദി മുർമു ഇരുസഭകളുടെയും സംയുക്ത സമ്മേളനത്തെ അഭിസംബോധന ചെയ്യും.

ഒരു വർഷത്തെ ആഘോഷ പരിപാടികൾക്കാണ് രാജ്യത്ത് ഇന്നു തുടക്കമാകുന്നത്. ‘നമ്മുടെ ഭരണഘടന, നമ്മുടെ അഭിമാനം’ എന്ന പ്രമേയത്തിൽ കേന്ദ്ര സർക്കാർ ആഘോഷ പരിപാടികൾ പ്രഖ്യാപിച്ചു. വൈകിട്ട് 5ന് സുപ്രീം കോടതിയിൽ നടക്കുന്ന ഭരണഘടന ദിനാഘോഷത്തിൽ പ്രധാനമന്ത്രി നരേന്ദ്ര മോദി പ്രസംഗിക്കും.

പാർലമെന്റിന്റെ പ്രത്യേക സംയുക്ത സമ്മേളനത്തിൽ നിന്നും

രാഷ്ട്രപതി ദ്രൗപദി മുർമു പഴയ പാർലമെന്റിലെ സെൻട്രൽ ഹാളിലെത്തി. ഉപരാഷ്ട്രപതി ‍ജഗദീപ് ധൻകർ, ലോകസഭാ സ്പീക്കർ ഓം ബിർള, പ്രധാനമന്ത്രി നരേന്ദ്ര മോദി എന്നിവരുടെ നേതൃത്വത്തിൽ രാഷ്ട്രപതിയെ സ്വീകരിച്ചു.