​ഗർഭിണിയുമായി ആശുപത്രിയിലേക്ക് പോവുകയായിരുന്ന ആംബുലൻസിന് തീപ്പിടിച്ചു; ഓക്സിജൻ സിലിണ്ടർ പൊട്ടിത്തെറിച്ചു

ആംബുലൻസിന് തീപ്പിടിച്ചുണ്ടായ അപകടം

മഹാരാഷ്ട്ര : മഹാരാഷ്ട്രയിലെ ജൽഗാവിൽ ​ഗർഭിണിയുമായി ആശുപത്രിയിലേക്ക് പോവുകയായിരുന്ന ആംബുലൻസിന് തീപ്പിടിച്ചു. ബുധനാഴ്ച വൈകീട്ടായിരുന്നു സംഭവം. എഞ്ചിനിൽ നിന്നും പുക ഉയരുന്നത് കണ്ട ആംബുലൻസ് ​ഡ്രൈവർ ഉടനടി വണ്ടിനിർത്തി വണ്ടിയിലുണ്ടായിരുന്നവരെ സുരക്ഷിത സ്ഥാനത്തേക്ക് മാറ്റി. പിന്നാലെ ആംബുലൻസ് തീപിടിക്കുകയും മിനിറ്റുകൾക്കകം അതിനകത്തുണ്ടായിരുന്ന ഓക്സിജൻ സിലിണ്ടർ പൊട്ടിത്തെറിക്കുകയും ചെയ്തു. പൊട്ടിത്തെറിയുടെ ആഘാതത്തിൽ സമീപത്തെ വീടുകളിലെ ജനാലകൾക്കും തകരാർ സംഭവിച്ചിട്ടുണ്ട്.