നെഹ്റു ട്രോഫി വള്ളംകളിയുടെ പരിശീലനത്തിന്റെ ഭാഗമായി ചമ്പക്കുളം ചുണ്ടനിൽ പുന്നമട ബോട്ട് ക്ലബ്ബും അത്ലറ്റിക്കോ ഡി ആലപ്പിയും പുന്നമടയിൽ നടത്തിയ ട്രാക്ക് എൻട്രി
ആലപ്പുഴ ∙ നെഹ്റു ട്രോഫി വള്ളംകളിയുടെ പശ്ചാത്തലത്തിൽ ശനിയാഴ്ച ആലപ്പുഴ ജില്ലയിൽ പൊതു അവധി പ്രഖ്യാപിച്ച് ജില്ലാ കലക്ടർ. ഓഗസ്റ്റ് 10ന് നടത്താനിരുന്ന വള്ളംകളി വയനാട് ചൂരല്മല ദുരന്തത്തിന്റെ പശ്ചാത്തലത്തില് സെപ്റ്റംബര് 28 ലേക്ക് മാറ്റുകയായിരുന്നു.
സാംസ്കാരിക കമ്മിറ്റിയുടെ നേതൃത്വത്തില് എല്ലാ വര്ഷവും സംഘടിപ്പിക്കാറുള്ള വിവിധ പരിപാടികളും സാംസ്കാരിക ഘോഷയാത്രയും വഞ്ചിപ്പാട്ട് ഉള്പ്പെടെയുള്ള മത്സരങ്ങളും ദുരന്തത്തിന്റെ പശ്ചാത്തലത്തില് റദ്ദാക്കിയിട്ടുണ്ട്.
നെഹ്റു ട്രോഫി വള്ളംകളിയുടെ ഒരുക്കങ്ങള് പൂര്ത്തിയായതായി അധികൃതർ അറിയിച്ചു. 28ന് ഉച്ചകഴിഞ്ഞ് രണ്ടിനാണ് ഉദ്ഘാടന ചടങ്ങ്. ഉദ്ഘാടന സമ്മേളനത്തില് മന്ത്രിമാർ, ജില്ലയിലെ എംപിമാര്, എംഎല്എമാര് തുടങ്ങിയവരും പങ്കെടുക്കും.
Jeevan TV 