പാമ്പു കടിയേറ്റ നീലേശ്വരം രാജാസ് ഹയർ സെക്കണ്ടറി സ്കൂൾ അധ്യാപിക വിദ്യ, കടിച്ച പാമ്പ്

കാസർകോട് : നീലേശ്വരത്ത് അധ്യാപികയ്ക്ക് ക്ലാസ് മുറിയിൽവെച്ച് പാമ്പുകടിയേറ്റു. നിലേശ്വരം രാജാസ് സ്കൂളിലെ അധ്യാപിക വിദ്യക്കാണ് പാമ്പുകടിയേറ്റത്. വിദ്യയെ ഉടനെ കാഞ്ഞങ്ങാട് താലൂക്ക് ആശുപത്രിയിൽ പ്രവേശിപ്പിച്ചു.

വെള്ളിയാഴ്ച ഉച്ചയോടെയായിരുന്നു സംഭവം. ഓണാഘോഷ പരിപാടികളോടനുബന്ധിച്ച് കലാമത്സരങ്ങൾ നടക്കുന്നതിനിടയിലാണ് അധ്യാപികയെ പാമ്പുകടിച്ചത്. പാമ്പിനെ ആളുകൾ തല്ലികൊന്നു. വിഷമില്ലാത്ത പാമ്പാണ് കടിച്ചതെന്നാണ് വിവരം. ശാരീരിക അസ്വസ്ഥതകൾ പ്രകടിപ്പിച്ച വിദ്യ നിരീക്ഷണത്തിലാണ്.