യുവതിയെ പീഡിപ്പിച്ച് 10 ലക്ഷം രൂപ തട്ടി; ഭീഷണി തുടർന്നതോടെ ഭർത്താവിനെ അറിയിച്ചു, യുവാവ് അറസ്റ്റിൽ

സജിൻ ദാസ്

തിരുവല്ല(പത്തനംതിട്ട): സൗഹൃദം സ്ഥാപിച്ച് യുവതിയെ പീഡിപ്പിക്കുകയും പത്തുലക്ഷം രൂപ തട്ടിയെടുക്കുകയുംചെയ്ത കേസിൽ കന്യാകുമാരി സ്വദേശി അറസ്റ്റിൽ. വിളവൻകോട് മാങ്കോട് അമ്പലക്കാലയിൽ സജിൻ ദാസ് (24) ആണ് അറസ്റ്റിലായത്.

മേസ്തിരിപ്പണിക്കായി മൂന്നുവർഷം മുമ്പ് ഇവിടെ എത്തിയ ഇയാൾ കവിയൂരിൽ വാടകയ്ക്ക് താമസിക്കുമ്പോൾ യുവതിയുമായി പരിചയത്തിലായി.

ഇതിനിടെ പീഡിപ്പിച്ചെന്നും ഭീഷണിപ്പെടുത്തി പലപ്പോഴായി പത്ത് ലക്ഷം രൂപ സജിൻ തട്ടിയെടുത്തെന്നുമാണ് കേസ്. ഭീഷണി തുടർന്നതോടെ യുവതി വിവരം ഭർത്താവിനെ അറിയിക്കുകയായിരുന്നു. വാടകവീട്ടിൽനിന്നാണ് ഇയാളെ അറസ്റ്റുചെയ്തത്.