Photo: PTI
പാരീസ്: പാരീസ് ഒളിമ്പിക്സ് ഗുസ്തിയില് ഇന്ത്യക്കായി വെള്ളി ഉറപ്പാക്കി സ്വര്ണ മെഡലിനായി ഫൈനലില് മത്സരിക്കാന് തയ്യാറെടുത്ത വിനേഷ് ഫോഗട്ട് അയോഗ്യയായി. 50 കിലോ വിഭാഗത്തില് ഫൈനലില് പ്രവേശിച്ചിരുന്ന വിനേഷ് ഫോഗട്ടിനെ ഭാരം കൂടിയെന്നതിന്റെ പേരിലാണ് അയോഗ്യയാക്കിയിരിക്കുന്നത്.
മൂന്നാം ഒളിമ്പിക്സില് പങ്കെടുക്കുന്ന ഫോഗട്ട് , ബുധനാഴ്ച രാത്രി പതിനൊന്നരയോടെ നടക്കേണ്ടിയിരുന്ന ഫൈനലില് അമേരിക്കയുടെ സാറാ ഹില്ഡ്ബ്രാണ്ടുമായിട്ടാണ് ഏറ്റുമുട്ടേണ്ടിയിരുന്നത്.
ഇന്ന് രാവിലെ നടന്ന ഭാരപരിശോധനയില് 100 ഗ്രാം അധികമാണെന്ന് കണ്ടെത്തിയെന്ന് ഇന്ത്യന് പരശീലകന് അറിയിച്ചു. ഒളിമ്പിക്സ് ഗുസ്തി ഫൈനലില് കടക്കുന്ന ആദ്യ ഇന്ത്യന് വനിതയെന്ന ചരിത്രനേട്ടത്തില് നില്ക്കെയാണ് ഫോഗട്ടിന് അയോഗ്യത വന്നിരിക്കുന്നത്.
Jeevan TV 