ബ്രേക്ക് നഷ്ടമായ ബസ് നിർത്താൻ ശ്രമിക്കുന്ന സൈന്യവും പോലീസും| screengrab/X

ശ്രീന​ഗർ: അമർനാഥ് തീർഥാടകർ സഞ്ചരിച്ച ബസ് വൻ അപകടത്തിൽനിന്ന് രക്ഷപ്പെട്ടത് തലനാരിഴയ്ക്ക്. പഞ്ചാബിലെ ഹൊഷിയാപുരിൽനിന്ന് 40 തീർഥാടകരുമായി പോയ ബസിന്റെ ബ്രേക്ക്, ജമ്മുകശ്മീരിലെ റമ്പാൻ ജില്ലയിലെ ദേശീയപാത 44-ൽ വെച്ച് നഷ്ടമാകുകയായിരുന്നു.

കുത്തനെയുള്ള ഇറക്കത്തിലാണ് ബ്രേക്ക് തകരാറിലായത്. ഇന്ത്യൻ സൈന്യവും കശ്മീർ പോലീസും നടത്തിയ ഇടപെടലാണ് വലിയ ദുരന്തം ഒഴിവാക്കിയത്. ബ്രേക്ക് നഷ്ടമായത് ശ്രദ്ധയിൽപ്പെട്ടതോടെ സൈനിക ഉദ്യോ​ഗസ്ഥരും പോലീസുകാരും ബസിനുപിറകെ വാഹനങ്ങളിൽ എത്തി ടയറുകളുടെ അടിയിൽ കല്ലുകളും മറ്റും വെക്കുകയായിരുന്നു.

https://twitter.com/Gagan4344/status/1808176548240863548?ref_src=twsrc%5Etfw%7Ctwcamp%5Etweetembed%7Ctwterm%5E1808176548240863548%7Ctwgr%5E135fc16dd86bbdf5c3594644384f2171d5fdeace%7Ctwcon%5Es1_&ref_url=https%3A%2F%2Fwww.mathrubhumi.com%2Fnews%2Findia%2Fbus-lost-brake-carrying-amarnath-pilgrims-1.9691362

ബ്രേക്ക് നഷ്ടമായെന്ന് അറിഞ്ഞതോടെ യാത്രക്കാരിൽ ചിലർ ഓടിക്കൊണ്ടിരുന്ന ബസിൽനിന്ന് പുറത്തേക്ക് ചാടുകയും ചെയ്തു. പത്ത് പേർക്ക് പരിക്കേറ്റെന്നാണ് വിവരം. സംഭവത്തിന്റെ വീഡിയോയും പുറത്തുവന്നു.