Photo: twitter.com/BrasilEdition

ബ്രസീലിയ: കോപ്പ അമേരിക്ക ഫുട്ബോള്‍ ടൂര്‍ണമെന്റിനുള്ള ബ്രസീല്‍ ദേശീയ ടീമിനെ പ്രഖ്യാപിച്ചു. പല പ്രധാന താരങ്ങളേയും ഒഴിവാക്കിയാണ് കോച്ച് ഡോറിവല്‍ ജൂനിയര്‍ 23 അംഗ സ്‌ക്വാഡിനെ പ്രഖ്യാപിച്ചിട്ടുള്ളത്. നിലവിലെ റണ്ണറപ്പുകളാണ് ബ്രസീല്‍. ജൂണ്‍ 20 മുതല്‍ അമേരിക്കയിലാണ് ടൂര്‍ണമെന്റ്.

ടോട്ടനം സ്ട്രൈക്കര്‍ റിച്ചാലിസണ്‍, ആഴ്സണല്‍ സ്ട്രൈക്കര്‍ ഗബ്രിയേല്‍ ജെസ്യുസ്, മാഞ്ചെസ്റ്റര്‍ യുണൈറ്റഡ് താരങ്ങളായ കാസെമിറോ, ആന്റണി എന്നിവര്‍ ടീമിലില്ല. കാല്‍മുട്ടിലെ ലിഗമെന്റ് ശസ്ത്രക്രിയക്ക് ശേഷം വിശ്രമത്തിലായതിനാല്‍ നെയ്മറും ടീമിലില്ല. കഴിഞ്ഞ ഒക്ടോബറില്‍ യുറഗ്വായ്ക്കെതിരായ മത്സരത്തിനിടെയാണ് നെയ്മര്‍ക്ക് പരിക്കേല്‍ക്കുന്നത്. ആഴ്സണല്‍ സ്ട്രൈക്കര്‍ ഗബ്രിയേല്‍ മാര്‍ട്ടിനെല്ലിയെ ടീമിലെടുത്തിട്ടുണ്ട്.

പാല്‍മിറാസിന്റെ 17-കാരനായ സ്ട്രൈക്കര്‍ എന്‍ഡ്രിക്ക് ടീമിലിടംപിടിച്ചിട്ടുണ്ട്.

ബ്രസീല്‍ ടീം:

ഗോള്‍കീപ്പര്‍മാര്‍: അലിസണ്‍ (ലിവര്‍പൂള്‍), ബെന്റോ (അത്‌ലറ്റിക്കോ), എഡേഴ്സണ്‍ (മാഞ്ചെസ്റ്റര്‍ സിറ്റി).

ഡിഫന്‍ഡര്‍മാര്‍: ബെറാള്‍ഡോ (പിഎസ്ജി), എഡര്‍ മിലിറ്റാവോ (റയല്‍ മാഡ്രിഡ്), ഗബ്രിയേല്‍ മഗല്‍ഹാസ് (ആഴ്സനല്‍), മാര്‍ക്വിന്യോസ് (പിഎസ്ജി), ഡാനിലോ (യുവന്റസ്), യാന്‍ കൗട്ടോ (ജിറോണ), ഗുയ്ല്‍ഹെര്‍മെ അരാന (അത്ലറ്റിക്കോ), വെന്‍ഡെല്‍ (പോര്‍ട്ടോ)

മിഡ്ഫീല്‍ഡര്‍മാര്‍: പെരെയ്ര (ഫുള്‍ഹാം), ഗ്വിമാരേസ് (ന്യൂകാസില്‍), ഡഗ്ലസ് ലൂയിസ് (ആസ്റ്റണ്‍ വില്ല), ജാവോ ഗോമസ് (വോള്‍വ്സ്), ലൂക്കാസ് പക്വേറ്റ (വെസ്റ്റ് ഹാം)

ഫോര്‍വേഡുകള്‍: എന്‍ഡ്രിക് (പാല്‍മിറാസ്), ഇവാനില്‍സണ്‍ (പോര്‍ട്ടോ), ഗബ്രിയേല്‍ മാര്‍ട്ടിനെല്ലി (ആഴ്സണല്‍), റഫീഞ്ഞ്യ (ബാഴ്സലോണ), റോഡ്രിഗോ (റയല്‍ മാഡ്രിഡ്), സാവിന്യോ (ജിറോണ), വിനീഷ്യസ് ജൂനിയര്‍ (റയല്‍ മാഡ്രിഡ്).