പാലിയത്ത് രവിയച്ചൻ
തൃപ്പൂണിത്തുറ: കേരള ക്രിക്കറ്റ് ടീം മുന് ക്യാപ്റ്റന് തൃപ്പൂണിത്തുറ കോട്ടയക്കകം ലോട്ടസ് നന്ദനം അപ്പാര്ട്ട്മെന്റില് പി. രവിയച്ചന് (96) അന്തരിച്ചു. ആര്എസ്എസ് ജില്ലാ സംഘ ചാലക്, ബാലഗോകുലം സംസ്ഥാന വൈസ് പ്രസിഡന്റ്, വിശ്വഹിന്ദു പരിഷത്ത് ജില്ലാ പ്രസിഡന്റ്, കുരുക്ഷേത്ര പ്രകാശന് ട്രസ്റ്റ് മാനേജിങ് ഡയറക്ടര് എന്നീ നിലകളില് സേവനമനുഷ്ഠിച്ചിട്ടുണ്ട്.
കഥകളി കേന്ദ്രം, പൂര്ണത്രയീശ സംഗീത സഭ, പൂര്ണത്രയീശ സേവാ സംഘം, തൃപ്പൂണിത്തുറ ക്രിക്കറ്റ് ക്ലബ്ബ് എന്നീ സംഘടനകളുടെ അധ്യക്ഷ സ്ഥാനം വഹിച്ചിട്ടുണ്ട്. കൊച്ചി ഇളയ തമ്പുരാന് അനിയന്കുട്ടന് തമ്പുരാന്റെയും പാലിയത്ത് കൊച്ചുകുട്ടി കുഞ്ഞമ്മയുടെയും മകനായി പാലിയത്ത് 1928-ലാണ് ജനനം.
1952 മുതല് 1970 വരെ കേരളത്തിനായി രഞ്ജി ക്രിക്കറ്റില് 55 മത്സരങ്ങളാണ് കളിച്ചത്. 1107 റണ്സും 125 വിക്കറ്റും സ്വന്തമാക്കി. ടെന്നീസ്, ഷട്ടില്, ടേബിള് ടെന്നീസ്, ബോള് ബാഡ്മിന്റണ് തുടങ്ങിയ കായിക ഇനങ്ങളിലും നേട്ടം കൈവരിച്ചിട്ടുണ്ട്. മകന്: രാംമോഹന്.മരുമകള്: ഷൈലജ.
Jeevan TV 