തിരഞ്ഞെടുപ്പ് പ്രചാരണത്തിനിടെ കോൺഗ്രസ് പ്രവർത്തകന് സൂര്യാഘാതം

പ്രതീകാത്മക ചിത്രം

പാലക്കാട്: ശ്രീകൃഷ്ണപുരത്തെ തിരഞ്ഞെടുപ്പ് പ്രചാരണത്തിനിടെ കോൺ​ഗ്രസ് പ്രവർത്തകന് സൂര്യാഘാതമേറ്റു. വലമ്പിലിമംഗലം ഇളവുങ്കൽ വീട്ടിൽ തോമസ് അബ്രഹാമിനാണ്(55) സൂര്യാഘാതമേറ്റത്. വലമ്പിലിമംഗലം മുപ്പാതാം നമ്പർ ബൂത്തിൽ വ്യാഴാഴ്ച വീടുകയറിയുളള പ്രചാരണത്തിനിടെയാണ്‌ സൂര്യാഘാതമേറ്റത്.

മുതുകിലും നെഞ്ചിലുമാണ് സൂര്യാഘാതമേറ്റത്. തുടർന്ന് വ്യാഴാഴ്ചതന്നെ ഇദ്ദേഹം ചികിത്സ തേടിയിരുന്നു. മാർച്ച് 26-ന് മം​ഗലാംകുന്ന് കാർളിത്തൊടി സ്വദേശി കൃഷ്ണകാന്തിനും (27) സൂര്യാഘാതമേറ്റിരുന്നു.