Photo: Redmi A3

റെഡ്മി എ സീരീസിലേക്ക് പുതിയ സ്മാര്‍ട്‌ഫോണ്‍. റെഡ്മി എ3 സ്മാര്‍ട്‌ഫോണ്‍ ഇന്ത്യന്‍ വിപണിയില്‍ അവതരിപ്പിച്ചു. മീഡിയാ ടെക്ക് ഹീലിയോ ജി36 പ്രൊസസറില്‍ പ്രവര്‍ത്തിക്കുന്ന റെഡ്മി എ3 മൂന്ന് വ്യത്യസ്ത കളര്‍ ഓപ്ഷനുകളിലാണ് വിപണിയിലെത്തുക. മൂന്ന് റാം-സ്റ്റോറേജ് വേരിയന്റുകളും ഫോണിനുണ്ട്. 8 എംപി ഡ്യുവല്‍ ക്യാമറ, 5000 എംഎഎച്ച് ബാറ്ററി, 10 വാട്ട് ചാര്‍ജിങ് തുടങ്ങിയ സൗകര്യങ്ങളും ഉണ്ട്. കഴിഞ്ഞ വര്‍ഷം പുറത്തിറക്കിയ റെഡ്മി എ2 സ്മാര്‍ട്‌ഫോണിന്റെ പിന്‍ഗാമിയാണ് റെഡ്മി എ3.

  • 3 ജിബി റാം+ 64 ജിബി സ്റ്റോറേജ് – 7299 രൂപ.
  • 4 ജിബി റാം + 128 ജിബി സ്റ്റോറേജ് – 8299 രൂപ.
  • 6 ജിബി റാം + 128 ജിബി സ്റ്റോറേജ് – 9299 രൂപ.

കളര്‍ ഓപ്ഷനുകള്‍- മിഡ്‌നൈറ്റ് ബ്ലാക്ക്, ലേക്ക് ബ്ലൂ, ഒലീവ് ഗ്രീന്‍

വിതരണക്കാര്‍- ഫ്‌ളിപ്പ്കാര്‍ട്ട്, എംഐ.കോം, ഷാവോമിയുടെ റീട്ടെയില്‍ പങ്കാളികള്‍.

വില്‍പന ആരംഭിക്കുന്ന തീയ്യതി – ഫെബ്രുവരി 23.

റെഡ്മി എ3 സവിശേഷതകള്‍

ഓപ്പറേറ്റിങ് സിസ്റ്റം- ആന്‍ഡ്രോയിഡ് 13 ഗോ എഡിഷന്‍ ഡിസ്‌പ്ലേ – 6.71 ഇഞ്ച് എച്ച്ഡി പ്ലസ് ഡിസ്‌പ്ലേ (120 ഹെര്‍ട്‌സ് ടച്ച് സാംപ്ലിങ് റേറ്റ്, 90 ഹെര്‍ട്‌സ് റിഫ്രഷ് റേറ്റ്), കോര്‍ണിങ് ഗൊറില്ല ഗ്ലാസ് 3 സംരക്ഷണം, വാട്ടര്‍ ഡ്രോപ്പ് നോച്ച്,

പ്രൊസസര്‍- ഒക്ടാകോര്‍ മീഡിയാടെക്ക് ഹീലിയോ ജി36 പ്രൊസസര്‍.

സ്റ്റോറേജ്- 3 ജിബി, 4 ജിബി, 6 ജിബി റാം വേരിയന്റുകള്‍ 128 ജിബി വരെ ഇന്റേണല്‍ സ്‌റ്റോറേജ്, 12 ജിബി വരെയുള്ള മെമ്മറി കാര്‍ഡ് ഉപയോഗിക്കാം.

ക്യാമറ – ഡ്യുവല്‍ റിയര്‍ ക്യാമറ, 8 എംപി പ്രൈമറി സെന്‍സര്‍, സെക്കന്‍ഡറി സെന്‍സര്‍, 5 എംപി സെല്‍ഫി ക്യാമറ.

കണക്ടിവിറ്റി – 4ജി, വൈഫൈ, ബ്ലൂടൂത്ത് 5.0, ജിപിഎസ്/എജിപിഎസ്, മൈക്രോ യുഎസ്ബി പോര്‍ട്ട്, ഗ്ലോനാസ്, 3.5 എംഎം ഓഡിയോ ജാക്ക്,

ഒതന്റിക്കേഷന്‍- സൈഡ് മൗണ്ടഡ് ഫിംഗര്‍പ്രിന്റ് സ്‌കാനര്‍.