അപകത്തിൻറെ ദൃശ്യങ്ങളിൽ നിന്നും.

ലഖ്നൗ: ഉത്തർപ്രദേശിലെ മഥുരയിൽ യമുന എക്സ്പ്രസ് ഹൈവേയിൽ കാറും ബസും കൂട്ടിയിടിച്ചുണ്ടായ അപകടത്തിൽ അഞ്ച് പേർ മരിച്ചു. കാറിലുണ്ടായിരുന്നവരാണ് മരിച്ച അഞ്ച് പേരും. തിങ്കളാഴ്ച രാവിലെയായിരുന്നു അപകടം.

നോയിഡയിൽ നിന്നും ആ​ഗ്രയിലേക്ക് പോകുകയായിരുന്ന ബസ്സാണ് അപകടത്തിൽപ്പെട്ടത്. ബസ്സിന്റെ ടയർ പൊട്ടിയതിന് പിന്നാലെ നിയന്ത്രണംവിട്ട വാഹനം കാറിലിടിക്കുകയായിരുന്നു. കൂട്ടിയിടിച്ചതിന് പിന്നാലെ ഇരുവാഹനങ്ങൾക്കും തീപിടിച്ചു.

അഞ്ച് പേരുടെ മരണത്തിൽ ഉത്തർപ്രദേശ് മുഖ്യമന്ത്രി യോഗി ആദിത്യനാഥ് അനുശോചനം രേഖപ്പെടുത്തി. മരിച്ചവരുടെ ബന്ധുക്കൾക്ക് ആവശ്യമായ എല്ലാ സഹായങ്ങളും ഉറപ്പുവരുത്തണമെന്ന് ഉദ്യോ​ഗസ്ഥർക്ക് അദ്ദേഹം നിർദേശം നൽകുകയും ചെയ്തു.